Энэ судалгааг хийгээд эдийн засагчид 2020 он гэхэд Их Британид саятнуудын тоо дөрөв дахин нэмэгдэнэ гэсэн дүгнэлтэд хүрсэн байна. Ингэснээр баячуудын нийт тоо 1,7 саяд хүрэх аж. Их Британийн саятнууд 2020 онд дунджаар 56 настай байх бөгөөд тэдний 53 хувь нь эмэгтэйчүүд байх гэнэ. Yүнийг судлаачид, эмэгтэйчүүд эрчүүдээс илүү насалдагтай холбож буйн учир нь, эмэгтэйчүүд нөхрийнхөө хөрөнгийг залгамжилж үлддэг аж. Баян эрчүүд мөнгөө ихэвчлэн үл хөдлөх хөрөнгөд оруулдаг бөгөөд үл хөдлөх хөрөнгийн үнэ байнга нэмэгдэж байгаатай холбоотойгоор саятнуудын хөрөнгө өснө гэж тайлбарлаж буй юм. Түүнээс гадна, инфляц олон хүнийг саятан болгоно гэж тооцож байгаа гэнэ. Одоогоор Их Британи 376 мянган саятантай байгаа аж.