Хараагүй хүүхэдтэй эцэг эхчүүд, тусгай сургууль, нөхөн сэргээх төв, Хөвсгөл аймгийн Мөрөн хотын II арван жилийн багш нар гээд нийт 14 хүн уг сургалтад багтжээ. Сургалтын үр дүнд хараагүй иргэдийг хөдөлгөөний орон зайн баримжаатай болгож, чөлөөтэй аюулгүй явах чадвар эзэмшүүлэх явдал гэнэ. Хөдөлгөөн, орон зайн баримжаа олгох чиглэлээр 20 гаруй жил мэргэшсэн багш Тайландаас ирж хичээл зааж байгаа аж. Сургалт хоёр үе шаттай гэсэн. Нэгдүгээрт тэдгээр харааны бэрхшээлтэй хүмүүс сурсан мэдсэнээрээ цааш үргэжлүүлэн сургалт явуулах. Хэрэв сайн хэрэгжүүлж чадсан бол хоёрдугаар шатанд оролцох болзолтой. Хоёрдугаар шатны сургалтын эцэст тэд бусдад багшлах албан ёсны эрх гардах аж. Албан бус тоогоор манай улсад 3500 хараагүй иргэн байдаг аж. Дашрамд сонирхуулахад Хөвсгөл, Ховд аймгийн ердийн сургуульд таван хараагүй хүүхэд сурч байгаа юм байна.

(Өдрийн сонин 2006-08-16 202)