Одоо тус орны нисэх буудлуудад ямарваа шингэн, түүний дотор шингэн эмийг нисэх онгоцонд авч орохыг хатуу хориглож байна. Террористууд нэрд гарсан амтат ундааны хөнгөн цагаан лааз, түүнчлэн нүдний линз цэвэрлэх шингэний саванд хийсэн тэсрэх бодисын бүрдэл хэсгүүдийг нисэх онгоцонд авч орохоор төлөвлөж байсан мэдээ байна.
Таймс сонинд бичсэнээр террористууд нисэх онгоцонд авч орсон энэ хоёр шингэнийг хольсноор тэсрэх төхөөрөг хийж чадах ажээ. Ийнхүү хольж гаргаж авсан хатуу биет нь бас сайн хатах ёстой гэнэ. Ингэсний дараа асаагуур юмуу ердийн шүдэнз хэрэглэн уг бодисыг дэлбэлж болох ажээ.
Нисэх буудлуудад эдгээр шингэнийг илрүүлэх шаардлагатай тоног төхөөрөмж байхгүй байгаа нь гол аюул юм. Ийм нөхцөлд нисэх онгоцонд шингэн зүйл авч орохыг хориглох нь хамгийн найдвартай арга болж байна Британийн эрх баригчид үзэж байгаа ажээ.
Нэн шинэ технологи хэрэглэж буй террористуудын шинэ үеийнхэн нийт өрнөдийн нийгэмд тэрсэлж байна гэж Еританийн терроризмтой тэмцэх салбарын тэргүүлэх мэргэжилтэн Пол Бивер мэдэгджээ. Энэ бол асар их аюул бөгөөд өнөөгийн соёл иргэншил олон улсын терроризмын энэ нэн шинэ төрлийг бодвол нэг алхмын өмнө байнга явж байх ёстой гэж тэр онцлон тэмдэглэсэн байна.

ЛОНДОН. /ИТАР-ТАСС/.
Я.Сүхбаатар