Аюулгүй бэлгийн харьцаанд хэрэглэгдэх хэрэглэгдэхүүнүүдийг секс эхлэхээс авахуулаад дуустал нь зөв, журмын дагуу хэрэглэх нь чухал.

Хэрэв та тохиолдлын бэлгийн хавьталд орохоор шийдсэн бол секст хэрэглэх хамгаалалтыг урьдчилан бэлдсэн байх хэрэгтэй.

Бэлгэвч /эр/

Бэлгэвчийг үтрээ болон анал секс хийх үед эр бэлэг эрхтэнд углаж хэрэглэнэ.

Хурьцлын үед секс тоглоом, хэрэглэгдэхүүн ашиглах, үүнийгээ дамжуулж хэрэглэх тохиолдолд тухай бүрд бэлгэвчийг сольж хэрэглэх шаардлагатай.

Бэлгэвчийг хэрэглэхийн өмнө хүчинтэй хугацааг шалга. Їйлдвэрлэсэн өдрөөс хойш 4 жил болсон бэлгэвчийг бүү хэрэглэ. Мөн тухайн бэлгэвч нь тест хийгдсэн эсэхийг шалга.

Бэлгэвчийг хүйтэн, хуурай газар хадгал. Хэтэвчинд юмуу машинд хадгалж болохгүй. Учир нь үргэлж үнгэгдэх, халуун газар хадгалснаар чанарыг нь муутгадаг.

Бэлгэвчийг хурц ирмэгтэй, хатуу зүйлтэй хамт хадгалж болохгүй. Гэмтээж, цоолж болзошгүй.

Бэлгэвч нь өөрийн гэсэн хэмжээтэй байдаг. Иймд та өөртөө эвтэйхэн байх бэлгэвчийг сонгож хэрэглээрэй. Maxx, Magnum үйлдвэр том бэлгэвч үйлдвэрлэдэг бол Kimono, Trojan зэрэг үйлдвэрүүд нарийн бэлгэвч үйлдвэрлэдэг.

Бэлгэвчийг хэрэглэх заавартай танилцсаны дараа хэрэглэ.

Бэлгэвч хэрэглэх үед зөвхөн усан суурьтай тосыг хэрэглэ.

Бээлий, хурууны хамгаалалт

Сексийн үед хуруу, гараар эрхтэн оролдох үед эдгээрийг хэрэглэнэ. Эдгээрийг хэрэглэхэд секс мэдрэмжид сөргөөр нөлөөлөхгүй.

Бээлий, хурууны хамгаалалт нь маш нимгэн тул хамтрагчид чинь бараг мэдэгдэхгүй шахам бөгөөд дулаан дамжуулах материалаар хийгдсэн байдаг тул таатай мэдрэмж төрүүлнэ.

Хурууны хамгаалалт нь жижиг бэлгэвч шиг хэлбэртэй, үүнийг хуруунд углаж хэрэглэхээс гадна жижиг секс тоглоомд углаж хэрэглэж болно.

Эмэгтэй бэлгэвч

Эмэгтэй бэлгэвчийн 2 талд жижиг том цагираг байдаг. Бэлгэвчний төгсгөлд /битүү хэсэгт/ байх жижиг цагирагийг үтрээнд оруулж, амсрын том цагираг нь эмэгтэйн эрхтний гадна байрлана.

Эмэгтэй бэлгэвчийн дотор талыг /эр бэлэг эрхтэнтэй шүргэлцэх тал/ тослох тохиолдолд тосон суурьтай тосыг хэрэглэж болно.

Эр болон эм бэлгэвчийг нэгэн зэрэг хэрэглэж болохгүй.

Бэлгэвч гэмтсэн, урагдсан тохиолдолд хурдан шинэ бэлгэвч хэрэглэх шаардлагатай.

Бэлгэвчийг зааврын дагуу зөв хэрэглэ

Вирус, бактераас хамгаалах тос

Nonoxynol-15, nonoxynol-9 зэрэг тос нь зарим төрлийн вирус, бактераас хамгааладаг.

Ийм тос зарим хүнд таардаггүй, харшил өгдөг тул эмчийн зааврын дагуу хэрэглэ.

Ийм тосыг амандаа болон ануст хийж болохгүй.

All Sex Guide
Орчуулсан Michelle