Баян-өлгий, Говь-Алтай, Дундговь, Өмнөговь, Сүхбаатар, Сэлэнгэ, Хөвсгөл, Хэнтий аймагт хүүхдийн төрөлт буурсан байхад Улаанбаатар, бусад аймгуудад нэмэгдсэн байна. Одоогоор нийт 18 эх төрөлтийн улмаас энджээ. Харин нэг хүртэлх насандаа 581 хүүхэд эндсэн нь өнгөрсөн оны мөн үеийнхээс гурван хүүхдээр, 1-5 хүртэлх насны хүүхдийн эндэгдэл 118 болж, 21 хүүхдээр тус тус буурсан аж. Улсын дунджаар амьд төрсен 1000 хүүхэд тутмаас 21 нь нэг хүртэлх насандаа эндсэний дотор Баянхонгор, Гоеьсүмбэр, Дорнод, Орхон, Өвөрхангай, Өмнөговь, Сүхбаатар, Увс, Хөвсгел аймгуудад улсын дунджаас дээгүүр байна. Нэлээд сэтгэл түгшээж буй нь халдварт өвчнөөр өвчлөгчдийн тоо 21,8 мянга болсон нь өнгөрсен оны мөн үеийнхээс 14,8 хувиар нэмэгджээ. Нэн ялангуяа бэлгийн замын халдварт өвчин сэтгэл түгшээхүйц болоод байгааг сануулав.

Улаанбаатар /МОНЦАМЭ Ж.Батсайхан/