2006 он гарсаар тээврийн эрэлт нэмэгдсэн боловч түүнийг зохицуулах үйл ажиллагаа хангалтгүй байгаа гэнэ. АНУ-ын саяхан хийгдсэн Air Cargo Management Group компаний судалгаагаар яаралтай хүргэх агаарын тээврийн хэмжээ 6-7 хувь, бусад тээвэр 2.2 хувиар өсчээ. Харин өмнөх жилүүдэд агаарын тээврийн өсөлт бага байсан аж. Азийн дотоод зах зээлд яаралтай тээвэрлэх ачааны хэмжээ ихээхэн нэмэгдэж байгаа гэнэ. Гэвч эдгээр орнуудад дэд бүтэц хангалтгүй хөгжсөний улмаас улс хоорондын тээвэрт төмөр зам, авто машин гол үүрэг гүйцэтгэдэг байна. Азийн өсөн нэмэгдэж байгаа энэ хэрэгцээг хангахын тулд агаарын тээврийн хүчин чадлыг нэмэгдүүлэх хэрэгтэй гэж үзэж байна. Иймээс Shenzen ба Lufthansa болон шинээр Ok Airlines хамтарсан компани байгуулагдсан байна. Азид агаарын тээвэр хэрэглэх эрэлт хэрэгцээ байгаа боловч шатах тослох материалын үнэ өндөр байгаагаас хүндрэл гарч буй учир төслөөр дэмжих нь зүйтэй гэж үзэж байна. Саяхан Азийн бүс нутгийн дотоодын ачаа тээвэрт зориулсан Thai Air Cargo компанийг ашиглалтад оруулсан байна. Энэ нислэг нь Энэтхэг, Сингапур, Хятад (Шанхай), Хонконгт нислэг хийх нь Бангкокийн агаарын шугамын урсгалд чанарын өөрчлөлт гаргах аж. Олон Улсын агаарын тээврийн (IATA) мэдээгээр 2005 онд Азид агаарын ачаа тээвэр 4.2 хувь нэмэгдсэн бөгөөд хүчин чадал нь 6.7 хувь өсчээ. 1АТА-ийн прогнозоор 2005-2009 онд Номхон далайн чиглэлд агаарын ачаа тээвэр жил бүр зургаан хувь өсөх агаад Азийн дотоодын тээвэр 8.5 хувийн өсөлттэй байна. Дээрх хугацаанд олон улсын ачаа тээврийн дундаж өсөлтөөс Азийн орнуудын өсөлт түрүүлэх хандлагатай байна. Тухайлбал, Хятад 14.4, Катар 12.5, Шри-Ланк 12.2, Макао 11.6, Өмнөд Солонгос 10.7 хувийн өсөлттэй байх юм.

2006.08.16 Бизнес таймс