Германий тэргүүлэгч концерн болох Thyssen-Krupp нь энэ оны хавар дэлхийн томоохон нийлүүлэгч Бразилийн CҮRD компанитай 2005 оны түвшингээс 19 хувиар илүү үнээр төмрийн хүдэр нийлүүлэх гэрээ хэлэлцээр хийжээ. Иймээс тус концерн нь өөрийн түншүүддээ уг бүтээгдэхүүнийг мөн л дээгүүр үнээр борлуулахаар болоод байна. 2003 оны дэлхийн зах зээлд төмрийн хүдрийн үнэ ханш бараг хоёр дахин нэмэгдсэн юм. Тэгвэл 2005 онд 2004 онтой харьцуулахад 71,5 хувиар үнэ нь дээшилсэн байна. 2002-2006 онд Бразилийн Каражасаас нийлүүлсэн төмрийн хүдэр Европын зах зээлд 29,31 центээр нэмэгджээ. Дэлхийн зах зээлд төмрийн хүдэр нийлүүлдэг хоёр том өрсөлдөгч байдаг бөгөөд хоёулаа Австралийх аж./Rio Tinto, BHP Billition компаниуд ордог/ Олон улсын ширэм болон гангийн институтын мэдээгээр 2006 оны дэлхийн гангын бүтээгдэхүүний хэрэглээ 7-8 хувиар, харин ирэх жил буюу 2007 онд 5-6 хувиар тус тус нэмэгдэнэ гэж үзжээ. Энэ металлын бүтээгдэхүүний өсөлтийн гол шалтгааныг Хятад улсад сүүлийн жилүүдэд эрс нэмэгдэж байгаа хэрэглээтэй холбон тайлбарласан бөгөөд тус улс нь гангын дэлхийн нийт бүтээгдэхүүний 1/3 хувийг эзэлдэг аж.

2006.08.16 Бизнес таймс