Өнөөдөр айл гэр, зарим албан байгууллагууд диал ап-аар ихэвчлэн интөрнэтэд холбогдож байгаа нь нууц биш юм. Энэ холболт нь өртөг ихтэй, хурд удаан зэрэг нь хэрэглэгчдийг байнга бухимдуулж байдаг.
Гэтэл МХХТГазраас энэхүү хөтөлбөрийг хэрэгжүүлж эхэлснээр айл өрх бур гэртээ байнгын холболт бүхий интернэтийг ашиглах боломж бүрдэж байгаа. Гэсэн хэдий ч интернэт үйлчилгээг хэрхэн хаанаас авах талаарх мэдээлэл хомс байгаа нь хэрэглэгчдийг төөрөгдөлд оруулж болзошгүй байна. Учир нь засгийн газрын бодлогыг дэмжин Миком, Мэйжикнэт, Мобиком, MCS, Bold soft зэрэг компаниуд сарын 20$ интернэт үйлчилгээг үзүүлэхээр болсон ч Микомоос бусад компаниудад МХХТГ зөвшөөрлөө хараахан өгч амжаагүй байна.

Дээрх компаниуд бэлтгэл ажлаа хэдий базаасан ч агентлагаас зөвшөөрөл нь ирээгүй учир үйлчилгээгээ үзүүлж чадахгүйд хүрээд байна.
Утасны үзүүрийг ашиглан байнгын интөрнэтэд холбох эрхийг Миком компани дангаар эзэмшдэг монополи эрх нь хэзээ дуусгавар болох нь тодорхойгүй байна.
МХХТГазраас хэрэгжүүлж байгаа Өрх бүрт компьютер хөтөлбөр нь интернэтийн үнийг 3 дахин хямдруулж чадсан. Хэрэглэгч холболтын хураамж 100-135$ нэг удаа төлөөд интернэтээ холбуулах ба цаашид сар бүр 20$ төлөх юм байна. Энэ үйлчилгээ нь зөвхөн 64Mb хурдаар холбогдох интернэтийн үнэ бөгөөд хурднаас шалтгаалан үнэ нь нэмэгдэнэ.

(Компьютер таймс 04/008)