Тэдний дэргэдэх Налайх 2- Хүүхэд Элгэмсэг ирээдүй төрийн бус байгууллага нь хүүхдийн чөлөөт цагийг зөв боловсон өнгөрүүлж, компьютерийн анхан шатны мэдлэг олгох зорилготойгоор Компьютерийн сургалтын төвийг 2006 оны 2 сараас хойш нээн уйл ажиллагаагаа явуулаад байгаа бөгөөд үүнд Дэлхийн Зөн-д хамрагддаг, мөн тухайн орон нутагт харьяалалтай өрхийн орлого багатай ядуу өрхийн хүүхдүүд үнэ төлбөргүйгээр хамрагдах боломжтой юм байна. Энэ сургалтын талаар тус төрийн бус байгууллагын мэдээлэл зүйн багш Дагмидмаа энэ сургалтад сууснаар хүүхдүүд компьютерийн хэрэглээний анхан шатны мэдлэгтэй болох ба цаашлаад мэдээллийн эрин зуунд хүүхдүүд өөрийн гэсэн мэддэг чаддаг зүйлтэй болоход их дөхөм болно гэж ярьсан юм. Эхний ээлжийн сургалтуудад Баянзүрх дүүргийнхэн хамрагдан суралцаад байгаа ба маш сэтгэл хангалуун байгаагаа тус төвийн хамт олонд илэрхийлж байлаа. Монголын хүүхдүүд далай их мэдлэгтэй болох болтугай гэж сэтгүүлч миний зүгээс хүсэн ерөөмөөр байна.

(Компьютер таймс 04/008)