Benz Үelo арван жил хөдөлмөрлөсний үр дүнд анхны машинаа олон нийтэд танилцуулж, 1895 онд зохиогчийн эрхийн гэрчилгээгээ гардаж байжээ.

Харин 17-р зууны сүүлчээр уурын хөдөлгүүрт, өөрөө явдаг тээврийн хэрэгсэл зохиогдсон. Фламандын санваартан Ferdinand Үerbiest 1678 онд жижиг хэмжээний уураар ажилладаг машин зохиосон ба энэхүү машиныг Хятадын эзэн хаанд зориулж бүтээж байв. Сүүлд 1769 оны эхээр уг машиныг зохион бүтээгч Nicolas-Joseph Cugnot жинхэнэ машины хэмжээтэйгээр бүтээж байжээ. Тэр энэ машинаа анх өөрийн эх орон болох Францад толилуулсан бөгөөд үүнээс санаа авсан Британийн зохион бүтээгч Richard Treүithick 1801 онд уурын хөдөлгүүрт сүйх тэрэг зохиосон юм. Ийм маягийн тэрэг тухайн үед дээдсийн жинхэнэ гангараа болж байлаа.

Тухайн үед Нэгдсэн Вант Улсад тээврийн хэрэгсэл хөдөлгөөнд оролцохдоо машины урд нэг хүн бүрээ бүлээж явах бөгөөд улаан өнгийн туг намируулах ёстой гэсэн хууль гарчээ. Энэ хууль 1896 оныг хүртэл хүчин төгөлдөр хэвээр байсан юм. /Їүнээс хэдэн 10 жилийн дараа гар тоормостой, олон араатай, жолооны хүрдтэй машин зохион бүтээгджээ./

Marcus-ын анхны машин

1870 онд Австрийн нийслэл Венн хотод зохион бүтээгч Siegfried Marcus дэлхийн анхны бензин хөдөлгүүрт машиныг зохион бүтээжээ. Энэхүү машиныг Marcus-ын анхны машин гэдэг нэрээр нь машин сонирхогчид андахгүй.

Marcus-ын 2 дахь машин

Тэрээр 1888 онд 2 дахь машинаа зохион бүтээсэн ба энэ нь одоо Веннын Техникийн музейд хадгалагдаж байгаа.

АНУ-д автомашины анхны зохиогчийн эрхийн гэрчилгээг Oliүer Eүans 1789 онд авчээ. Тэр өөрийн анхны бүтээл болох өөрөө хөдөлдөг машиныг 1804 онд бүтээсэн. Түүнчлэн тэр анх АНУ-д газар уснаа явдаг тээврийн хэрэгсэл зохиож байв. Энэ уурын хөдөлгүүрт машин газар дээр дугуйгаар, усан дотор сэлүүр маягийн дугуйгаар явдаг байв.

1860 онд Бельгийн зохион бүтээгч Etienne Lenoir дотоод шаталтын хөдөлгүүрт машин бүтээжээ. Энэ машин нүүрсийн хийгээр ажилладаг бөгөөд 7 миль газрыг 3 цагт туулж байсан юм. Хэрэв тэр явган явсан бол үүнээс хурдан хүрэх газраа очих байжээ. Иймд тэр ахиад ийм туршилт хийгээгүй юм.

Харин Францчууд өөрсдийгөө 1884 онд анхны машинаа зохиосон гэж үздэг бөгөөд 1984 онд 100 жилийн ойгоо тэмдэглэн өнгөрүүлжээ.
Германд дотоод шаталтат хөдөлгүүртэй машиныг хэд хэдэн зохион бүтээгчид бараг зэрэг шахам зохион нийтэд үзүүлж байв. Karl Benz 1885 онд Маннхайм хотод анхны машинаа зохиосон.

Зохион бүтээгч Gottlieb Daimler, Wilhelm Maybach нар 1886 онд Штурдгарт хотод анхны моторт дугуй зохиож,1889 онд хөдөлгүүрт тэрэг бүтээж байв.

Анхны 4 суудалтай машиныг 1895 онд Бхитаний зохион бүтээгч Frederick William Lanchester бүтээсэн ба тэр өөрийн бүтээсэн тоормосоороо зохиогчийн эрхийн гэрчилгээ авч байсан юм.

From encyclopedia
Орчуулсан Michelle