Ихэнх интернэт үйлчилгээ үзүүлдэг том компаниуд (ISP – internet serүice proүider), утасны болон кабелийн компаниуд нь жижиг клипүүд үзүүлэхэд хүндрэл гарахгүй гэх боловч өргөн дэлгэцийн нягтрал сайтай бичлэгүүд интернэтийг гацаанд оруулна гэж айж байна. Ихэнх интернэт хэрэглэгчид нь зөвхен и-мэйл шалгах, вэб хуудас нээхэд түунийг ашиглаж байна. Хэрэв хүмүүс хэдэн цагийн турш видео бичлэг үзэх сонирхолтой бол интернэт үйлчилгээний компаниуд хүчин чадал нөөцөө нэмэгдүүлэх шаардлагатай болно. Энэ нь маш их хөрөнгө оруулалт шаардах ба үүний улмаас интернэтийн хэрэглээний үнэ өсөх нь дамжиггүй.

Ихэнх интернэт хэрэглэгч ба идэвхтнүүд үүний эсрэг байгаа ба энэхүү хэрэгцээг хангахын тулд шинэ нээлт хийх шаардлагатай байна гэсэн байр суурьтай байна. Гэвч одоогийн байдлаар ийм нээлтийн бүтэх магадлал тун бага байгаа учир тэд интернэтийн ердийн хэрэглээг хуульчлах хүсэлтэй байна.
Энэхүү маргааны гол асуудал нь интернэт үйлчилгээ эрхэлдэг ISP компаниуд хичнээн хэмжээний хөрөнгө оруулалт хийж чанарын хувьд зурагтын нэвтрүүлгээс дутахааргүй тасралтгүй олон цагийн туршид үзэх боломжтой видео бичлэг үзүүлэх чадвартай болох вэ гэдэг юм.

Энэхүү асуултад тэд шууд хариулахыг хүсэхгүй байгаа боловч энгийн аргаар тооцож болох юм. Хэрэв 1 секундэд МБ дамжуулах чадвартай бичлэгтэй кассетыг Атланта хотын гол сүлжээний хэсэгт байрлуулахад TeleGeography I Inc. компанийн судалгаагаар j ISP нь сард 10-20$ төлөх шаардлагатай. Энэхүү 1 секундэд 1 МБ дамжуулах чадвар нь бага сонсогдож байгаа болов ч ISP дамжуулах чадвар нь түүний хэрэглэгчид нэгэн зэрэг интернэтэд холбогдоход хэмжээнээс 30 дахин их байдаг (энэ тoo ISP болгонд адил биш). Өндөр дамжуулах чадвартай интернэт сүлжээний хувьд хэт ачааллын үед энэхүү кассетаас 1 секундэд 1 МБ дамжуулан 40 DSL хэрэглэгчийг секундэд 768 КБ хурдтайгаар нэгэн зэрэг хангах боломжтой ба ингэхэд хэрэглэгчийн үнэ сард 25-50 цент болж байна. Хэрэглэгч болгон нэгэн зэрэг интернэтэд орон и-мэйл шалгах буюу бага хэмжээний мэдээлэл татан авахад хүндрэл гарахгүй боловч бүгд нэгэн зэрэг оройн мэдээ татан авах гэвэл болохгүй.

Үүний гол шалтгаан нь сүлжээний чадавх ба хэрвээ энэ төрлийн үйлчилгээг бүгдийн хүртээл болгох шаардлагатай бол түүний дамжуулах чадварыг есгөх хэрэгтэй.
BellSouth Corp. компанийн ерөнхий архитектур Henry Kafka-гийн тооцоогоор сард дунджаар хэрэглэгчдэд 2 ГБ мэдээлэл хүргэхийн тулд 1$ зардал гарж байгаа ба үүнд борлуулалт, техникийн хангамж, засвар зэрэг үйлчилгээ ороогүй юм. Ердийн хурдан DLS интернэт хэрэглэгч сард 25-47$ энэхуу компанид төлдөг. Хэрэв энэхүү хэрэглэгчид сард дунджаар 5 өндөр нягтралтай бичлэгтэй кино татаж авах юм бол BellSouth Corp. зардал сард 4,5$ болно. Хэрэв интернэт хэрэглэгчид өдөр болгон зурагтын адил дунджаар 8 цаг интернэтээр бичлэг үзвэл энэхүү зардал 112$ болно гэж Kafka тооцож байна.

Бид энэхүү зардлыг интернэт хэрэглэгч хүн болгонд хуваарилах хүсэлт байхгүй ба тодорхой хэмжээнээс илүү гарсан тохиолдолд нэмэлт төлбөр шаардах хэлбэрээр шийдэх нь зүйтэй гэжтэрээр цаашид хэлсэн. Иймээс бид интернэтээр ойрын ирээдүйд интернэт видео кино үзэх боломжтой болох боловч өндөр төлбөр төлөх шаардлагатай юм байна.

(Компьютер таймс 04/008)