хамтран оролцож байна. Yзэсгэлэнг Финляндын Боловсролын Яам ба Урлагий солилцооны Финляндын сангийн дэмжлэгтэйгээр гаргасан бөгөөд уран бүтээлчид Монгол улсад тодруулбал Улаанбаатар хотод сүүлийн үед болж байгаа зарим нэгэн онцлох үйл явдалд өөр өөрсдийн хувийн бодол, эргэцүүллэгийг бүтээлүүддээ тусгахыг зорьсон нь ажиглагдаж байсан. Монголын өвөрмөц соёл, түүх, байгаль орчинтой нягт холбоотойгоор сүүлийн үед өрнөж байгаа явц нь тун сонирхолтой хэдий ч байгалийг ойлгож ирсэн үзэл бодол хэрхэн өөрчлөгдөж байгаа, хүмүүний оршин тогтнох нөхцөл байдал, хот иргэншил хэрхэн хөгжиж өөрчлөгдөж байгаа талаар олон асуудлыг төрүүлж байгаа юм.

Энэхүү төсөл нь хотын төлөвлөлт, экологийн зүй зохистой хандлага, газар зүйн болон соёлын байршил, орон зайн талаархи асуудлуудыг хөндөх зорилгыг тавиад байна. Үзэсгэлэнгийн нэр нь

1-рт, хүмүүний нарийн мэдрэхүй болон нарийн ажиглалт,

2-рт, зөн совин, сэтгэлгээнд тулгуурласан хийсвэр үзэл бодол буюу утопия гэсэн давхар агуулгыг илэрхийлж байна. Учир нь, мэдрэхүй болон хувийн дурсамж болгон нь хүний хүсэл мөрөөдөл болон зөн совинг байнга тэтгэж нөлөөлдөг юм буc уу?

Энэхүү үзэсгэлэн нь том хэмжээний төслийн хүрээнд явагдаж байгаа юм байна. Энд оролцсон уран бүтээлчид эл сэдвээр үргэлжлүүлэн ажиллах бөгөөд Финляндын Керава урлагийн мүзейд 2008 онд хоёр дахь үзэсгэлэн гаргахаар төлөвлөөд байгаа ажээ. Yзэсгэлэнгийн талаар Керава урлагийн мүзейн дарга Пирко Сиитаригээс тодруулсан юм. Бичлэгээс үзнэ үү
үideo1
Керава урлагийн мүзейн дарга Пирко Сиитари үзэсгэлэнг нээн үг хэлсэн бөгөөд Кристиан Рихтер болон Агнеш Домке үзүүлбэрийн урлаг-перформанс- үзүүлсэн бол Pink Twins болон Монголын Зүгээр л нэртэй метал хөгжмийн хамтлаг уран бүтээлээсээ сонирхуулсан нь нь нээлтийн арга хэмжээнд оролцсон уран бүтээлчидэд ихээхэн таалагдсан.

Энэ удаагийн үзэсгэлэнд Австраас Соня Мейер, Кристиан Мейер, Финляндын Будбазарын Батбилэг, Тина Миелонен, Анну Вилениус, Пинк Твинс, Герман улсыг төлөөлөн Агнес Домке, Кристиан Рихтер, Исландын Рофилдүр Ингадитир, Швед- Расмус Кйелберг нар гадаадын улсыг төлөөлөн оролцож байгаа. Харин эх орноо төлөөлөн Бат-Эрдэнэ, Чинбат, Далх-Очир, Саранцацралт, Баярмагнай, Энхболд, Зүгээр л хамтлаг оролцож байна.

Уг төсөлд мөн түүнчлэн Керава урлагийн мүзейн дарга Пирко Сиитари, Хелсинки Их Сургуулийн гоо зүйн судлаач Саара Хаклин оролцож байгаа. Үзэсгэлэнгийн хаалтын үеэр уран бүтээлчидтэй хамтарсан ярилцлага болох бөгөөд Кристиан Рихтер болон Агнеш Домке үзүүлбэрийн урлаг-перформанс-үзүүлж Pink Twins хөгжмийн хамтлага тоглох ажээ.

У.Алтанхүү Оллоо.МН