Ирээдүйн аварга болохоор 300 гаруй хүүхдүүд хүч үзэж байна

Арлын Япон улсад барилдаж буй монгол бөхчүүдийн залгамж халаа, олимп дэлхийн дэвжээнд монгол улсынхаа нэрийг цуурайтуулах бөхчүүдийг тодруулан гаргах зорилгоор энэхүү тэмцээнийг Кёкүшюзан Батбаярын нэрэмжит болгон анх удаа хийж байгаа бөгөөд Монголын Сумо бөхийн холбоо, Skytel компани, Женко Тур Бюро компани UB Даатгал компани Хүч чадлын ус компани хамтран зохион байгуулж байна.

Ирээдүйн аваргууд эндээс тодорно уриан дор зохион байгуулагдаж буй уг тэмцээн нь 7-8 нас, 9-10 нас, 11-12 нас, 13-14 нас, 15-16 насны ангилалаар явагдаж байгаа аж. Нас насны ангилалаас нэг ялагч Япон явж сүмо бөхийн башё үзэх эрхээр шагнагдах энэхүү наадамд нийт 300 гаруй хүүхэд оролцож байгаа ажээ.

Нээлтийн үйл ажиллагаанд Кёкүшюзан Батбаяр өөрийн биеэр ирсэн бөгөөд бичлэгийг эндээс үзнэ үү.
үideo1
Ирээдүйн аваргууд тэмцээнд оролцогчид нь 2 тойрог барилдаж хоёр унасан хүүхдүүд хасагдаж, нэг даваатай хүүхдүүд торгуулийн нэг тойргийн барилдаан хийж давсан нь цаашид 2 даваатай хүүхдүүдийн хамт хасагдах журмаар барилдаж энэ сарын 27-нд ялагчаа тодруулах юм байна.

Хэнтий аймгийн Баяновоо сумаас оролцож буй Ц.Эрдэнэбат /10 настай/ оролцсон сэтгэгдэлээ ийнхүү хуваалцаж байна.
үideo2
Шигшээ барилдаанд шалгарсан хүүхэд Скайтелын дугаар, Женко Тур Бюро компанийн 100000 төгрөг хувьцаа өгөх бөгөөд 1-р байр Япон явж сүмо бөхийн башё үзэх эрх, 2-р байр Скайтел дугаар, Женко Тур Бюро ХК-ийн 75,000 төг хувьцаа, 3-р байр Скайтел дугаар, Женко Тур Бюро ХК-ийн 50,000 төг хувьцаа, 4-р байр Скайтел дугаар, Женко Тур Бюро ХК-ийн 30,000 төг хувьцаа, Таны дуртай сумо ном болон Хүч чадлын ус компанийн нэрийн бүтээгдэхүүнээр урамшуулах ажээ.

Тэмцээнд оролцогчдоос дайчин гарамгай барилдсан хүүхдүүдийг Монголын Спортын Сэтгүүлчдийн Холбооны гишүүн сэтгүүлчдээс санал авч шалгаруулж доорхи тусгай шагналуудыг олгох аж.
Ёкозүна Асашёорюү Дагвадоржийн нэрэмжит Шилдэг бөхийн шагнал /ахлах/
Озеки Хакүхо Даваажаргалын нэрэмжит Шилдэг бөхийн шагнал /бага нас/
Ама Бямбадоржийн нэрэмжит Дайчин барилдааны шагнал
Кёкүшюзан Батбаярын нэрэмжит Уран барилдааны шагнал
Кёкүтэнхо Цэвэгнямын нэрэмжит Гарамгай барилдааны шагнал
Асасэкирюү Дашнямын нэрэмжит Техниктэй бөхийн шагнал
Токитэнкү Хүчитбаатарын нэрэмжит Техниктэй бөхийн шагнал
Жүрёо зиндааны бөхчүүдийн нэрэмжит Өсөх идэр бөхийн шагнал
Шилдэг бөхийн шагнал-д ахлах болон бага насны хоёр хүүхдийг шалгаруулж тус бүр 50000 төгрөгөөр урамшуулах ажээ.

Т.Од /olloo mn/