Үндэсний их баяр наадам, нийтээр тэмдэглэх баярын төрийн ёслол, хүндэтгэлийн арга хэмжээ, төрийн ёслолын үеэр эгшиглүүлэх энэхүү их найрал хөгжим нь 120 хүний бүрэлдэхүүнтэй байх юм. Их найралыг байгуулах ажлыг Үндэсний дуу, бүжгийн эрдмийн чуулгын найрал хөгжмийн бүрэлдэхүүнийг өргөжүүлэх замаар зохион байгуулах аж. Энэ ажлын хэрэгжилтийг Боловсрол, шинжлэх ухааны сайдад даалгалаа. Их найрал байгуулагдсантай холбогдуулан гарах хөрөнгийн эх үүсвэрийг 2007-2008 оны Соёл, урлагийн сангийн төсөвт тусган санхүүжүүлэх юм байна.
Энэ арга хэмжээ нь Монголын найралт хөгжмийн төр ёсны уламжлалыг шинэ нөхцөлд сэргээгээд зогсохгүй үндэсний хөгжмийн мэргэжлийн ур чадварыг дэлхий дахинд танин мэдүүлэх чухал ач холбогдолтой болно.

/Оллоо.МН/