Дижитал хамтлаг бүлгийн зохион байгуулалтанд орно

Тоглолт болгоноороо ямар нэгэн зүйлийг сонсогч залуучууддаа ямар нэгэн ухаарал хайрлахыг оролддог эдгээр залуусын хувьд энэ удааагийнхаа тоглолтоор үнэнч нөхөрлөлийг магтан дуулахаар шийджээ.
Дуу болгоноороо ухаарал, хайр бэлэгдлэхийг хүсдэг дижитал хамтлагийнханы хувьд энэ удаад найз нөхөрлөлд зориуласан Анддаа тоглолт цагаан сарын шинийн 2,3-нд буюу энэ сарын 19, 20-нд тоглох бөгөөд чухам яагаад энэ өдрийг сонгох болсныг асуухад энэ үеэр хүүхэд залуучууд маш их уйдаж, хийх юмаа олж яддаг үе нь юм. Тэгэхээр энэ өдрүүдэд эцэг эхчүүд үр хүүхдээ хаана юу хийж яваа бол гэж санаа зовж байхаас нэг сайхан ухаарал шингэсэн тоглолтыг үзүүлвэл хэн хэнд нь санаа зовох зүйл байхгүй гэж байсан.
Тус хамтлагийн ахлагч Баавар ийн ярьж байна
үideo1
Тэд тоглолтоо аль болох өндөр төвшинд зохион байгуулахыг хичээж байгаа бөгөөд тоглолт үзэхээр ирсэн хүн болгонд тохиолддог зүйл болох хулгайг таслан зогсоох үүднээс Нийслэлийн цагдаагийн газартай хамтран ажиллахаар болсон байна. Нийслэлийн цагдаагийн газар бие бүрэлдэхүүнээ дайчлан энэ асуудлыг зохицуулахыг зөвшөөрсөн бөгөөд, тоглолтын аюулгүй байдлыг хангахаар болсон гэсэн.
Мөн тоглолтын дараа амалсан ёсоороо бүлгийн зохион байгуулалтанд орж, бие даан уран бүтээлээ туурвихаар болоод байгаа тус хамтлагийнханы хэд хэдэн гишүүний бие даасан цомог худалдаанд гарахад бэлэн болоод байгаа ажээ. Тоглолтын хөгжим, mix-ийг Дж Өөжий болон Заяа нар хариуцаж ажиллаж байгаа бөгөөд Монгол газар, Хит интертайнмент, Тотал мюзик, Yamaha зэрэг хамтарч зохион байгуулахаар болсон гэнэ.
Залуу насны сайхан бүхнийг нөхөрлөл мэдрүүлнэ уриатайгаар гэгээлэг бүхнийг бэлэглэсэн тоглолт болно хэмээн хамтлагийнхан амалсан.
Энэ талаарх Хамтлагийн дуучин Эркагийн яриаг сонсоно уу
үideo2
Харин дашрамд сонирхуулахад сүүлийн үед сонин хэвлэлээр ихээр яригдах болсон Дижиталын Баавар хар тамхи оруулдаг нууц ажилагааг гардан хариуцдаг гэсэн мэдээлэлд тэрээр хариу өгөхдөө Би ямар ч тийм асуудалд орооцолдоогүй ээ. Харин ч хар тамхи байтугай, архи ч хэрэглэдэггүй ш дээ. Тэгээд ч тэр ийм үндэслэлгүй зүйлийг нийтэлж байгаа сэтгүүлчдээс үүнийгээ асуу даа гэсэн.
Ямартай ч Дижитал хамтлагийнхан тус тусдаа уран бүтээлээ хийхээр шийдсэн нь арай илүүгээр өөрсдйигөө нээхийг хүссэндээ гэж байгаа. Харин энэ нь ямар хэлбэрээр үр дүнгээ харуулах нь цаг хугацааны л асуудалд боллоо.

/Оллоо.МН/
Б.Ану