Тэгвэл удтал хүлээлгэсэн Уянга нэртэй сонгодог концертоо энэ сарын 15, 16-нд УДБЭТ-ын тайзнаа тавих нь. Тоглолтын найруулагчаар ДБЭТ-ын ерөнхий найруулагч Г.Эрдэнэбаатар ажиллаж, Н.Туулайхүү удирдаж байгаа аж. Уг тоглолтод алдарт Чио чио сан-гаас эхлээд Италийн сонгодог бүтээлүүдээс ч бүрдсэн 16 дуу дуулах ба ДБЭТ-ын балетын бүжигчид, симфони оркестр бүрэн бүрэлдэхүүнээрээ оролцох гэнэ. Сонгодог хөгжмийн гайхамшгийг мэдэрч, дэлхийн алдарт бүтээлүүдээс сонсохыг хүсвэл та 20 ам.долларын тасалбар худалдан авна.
Уянга тоглолтын ерөнхий зохион байгуулагчаар Донж төв ажиллаж байгаа ба Классик жем хамтлагийнхан өөрийн дуучныхаа тоглолтыг үзэгчдийн суудлаас сонирхох нь.