Мөн өөрийн гараараа бэлэг урлаж ч болно. Гоёмсог нусны алчуур дээр Би чамд хайртай гээд хатгаж өгөөрэй. Хуучны сайхан захидлууд ч моодноос гарсангүй. Гэхдээ заавал гараар бичсэн байх шаардлагатай шүү. Хайрынхаа үгийг ягаан өнгийн гоёмсог цаасан дээр бичээд хуйлан торгон туузаар ороож, улаахан сарнайн хамт бэлэглээрэй. Мөн хамтдаа авахуулсан зураг, театрын хөтөлбөр, хөөрхөн зураг ч бэлэглэж болно шүү дээ. Хайртай хүндээ Миний гол шагнал бол чи гэж томоор бичсэн лотоны тасапбар ч өгч болно.
Хайртай хүнийхээ ордтой шоколад, цэцгийг ажлын нь газрын хаягаар хүргүүлж, дуртай дууг нь радиогоор захиалж, уруулын будаг, сахлын хөөсөөр толин дээр Би чамд хайртай хэмээн бичвэл содон санагдана. Мөн хамтдаа авахуулсан зурагтай хуанли, зүрхэн хэлбэртэй агаарын бөмбөлөг, дэр авч өөрийнхөөрөө нэмж чимээрэй.

(Өглөөний сонин 031/96)