Тэгвэл энэ ажлыг бодит болгосон нэгэн уран бүтээлийг Асмо пресс компани хийсэн байна. Их монгол улс байгуулагдсаны 800 жилийн ойн хүрээнд болсон онцлох үйл явдлууд, Ардын хувьсгалын 85 жилийн баяр наадамд шөвгөрсөн 32 бөх, 6 насны айрагдсан 30 морь, шагнал авсан 30 сурч зэрэг олон сайхан үйл явдлуудыг орууласан хуанли бүтээсэн байна.
Тус хуанлид багтаасан дээрх үйл явдлыг гэрч болгож гэрэл зургийн хальснаа чадварлаг буулгасан бөгөөд тайлбарын хамт оруулж өгсөн нь сонирхолтой болгосон байна.
Тухайлбал, онцлох үйл явдлуудаар Их монгол 800 жилийн арга хэмжээний хамгийн том ажил болох Их эзэн Чингэс хааны хөшөө- Төрийн ёслол хүндэтгэлийн өргөө цогцолборыг нээх ёслолын арга хэмжээ, Далай лам монголд зочилж сүсэгтэн олондоо сургаалиа хайрласан, Жуулчин тур бюро компаниас Чингисийн жуулчны цогцолборыг барьж байгуулах түүхэн ажил эхэлсэн болон Ардын хувьсгалын 85 жилийн ойн, Yндэсний их баяр наадамд Дархан аварга 3, Далай аварга 2, аварга 1, арслан 4, гарьд 3, заан 18, харцага 21, начин 92 нийт 1024 бөх барилдсанаас Монгол улсын гарьд Д.Сувьяабазар түрүүлж улсын аварга, начин Д.Азжаргал үзүүрлэж улсын арслан цол хүртсэн зэрэг олон үйл явдлыг нэрлэн торгон агшныг илтгэсэн зураг сэлтийг багтааснаараа онцлог болсон.
Энэ талаарх Асмо пресс компаний захирал Ч.Өнөртүвшин ийн ярьж байна.
үideo1
Та тус хуанлигаас хайртай бөхийнхөө хөрөг зураг болон морь, сурчдын зургийг үзэх боломжтойгоос гадна хамгийн гол зүйл бол мэдээж 2007-2010 оны хуанли байгаа. Их монгол улс байгуулагдасны 800 жилийн ой үнэхээр сүрлэг сайхан болсон. Тэгвэл энэ бүгдийг хойч үе маань харж, уламжлал заншлаа сахиж үлдэхэд энэ хуанли үнэхээр тус болно хэмээн санаачлагчид үзсэн.
Ямартай ч их ойд зориуласан гарт баригдаж, нүдэнд үзэгдэхүйц ажлуудын нэг нь энэ боллоо. Тэгээд ч гадаадын жуулчидад маш сайхан сурталчилгаа болох нь мэдээж.

/Оллоо.МН/
Б.Ану