Шилдэг морин хуурчид шагнал гардууллаа

Энэ жилийн шилдэг морин хуурчийн шагналыг Үндэсний дуу, бүжгийн эрдмийн чуулгын гоцлол хөгжимчин Буянхишигийн Тогтохжаргал хүртлээ.
Шилдэг морин хуурчид олгосон өргөмжлөлд Б.Тогтохжаргал Та монгол оюун соёлын хосгүй бүтээл морин хуур хөгжмийг мэргэжлийн өндөр төвшинд гарамгай эзэмшиж, монголын төдийгүй дэлхийн сонгодог хөгжмийн бүтээлүүдийг өөрийн орны болон дэлхийн улс орны урлагийн тайзнаа чадамгай хөгжимдөж, морин хуурын эгшиг дуурьсал, ид хавыг түмэн олонд бишрүүлж, морин хуур хөгжмөө сурталчлахад үнэтэй хувь нэмэр оруулсныг тань үнэлж Монгол Улсын Ерөнхийлөгч нэрэмжит шагналаа хүртээвэй. Таны авъяас, бүтээл, төр түмэндээ үнэтэй, тив, дэлхийдээ цуутай байхын ерөөлийг дэвшүүлье гэжээ.
Ерөнхийлөгчийн нэрэмжит шилдэг морин хуурчийн шагналыг нэг сая төгрөг дагалддаг, Ардын урлагийг хөгжүүлэх Икэл сан ивээн тэтгэдэг юм.

/Оллоо.МН/