Скайтел компани хамрах хүрээгээ Архангай, Булган аймгийн сумдуудад өргөжүүллээ
Булган аймгийн Дашинчилэн сумдад хөдөлгөөнт холбооны CDMA 2000 1x систем дээр суурилсан өөрийн компанийн сүлжээг 2007 оны 05 сарын 5,7,8-ны өдрүүдэд албан ёсоор нээлтээ хийж үйл ажиллагаагаа эхлүүллээ.
Ингэснээр тухайн сумдын Скайтел компаний хэрэглэгчид үүрэн холбооны дэвшилтэт технологи дээр суурилсан олон төрлийн нэмэлт үйлчилгээнүүдийг ашиглах боломжтой болж байгаагаас гадна секундэд 153,6 Kb мэдээлэл дамжуулах хурдтай утасгүй интернетийн үйлчилгээг гар утсаараа дамжуулан тус компанийн сүлжээ орсон Монгол орны 97 аймаг, хот, сум, суурин газарт ашиглах боломжтой болж байна.
Түүнчлэн шинэ сүлжээний нээлтийн урамшуулалт худалдааг зохион байгуулж сүлжээ орсон сумдын иргэдэд шинэ дугаарыг 1 жилийн үйлчилгээний эрхтэйгээр 10,000 төгрөг, Скайфон үйлчилгээний орон нутгийн дугаарыг 10000 ₮ төгрөг болгосноос гадна, шинэ гар утас авсан хэрэглэгч бүрт урьдчилсан төлбөрт үйлчилгээний 1 жилийн эрхтэй Skycall, D20 үйлчилгээний дугаарыг бэлэг болгон өгч , нээлт хийсэн газруудынхаа ахмад буурлуудад болон ажил хөдөлмөрөөрөө манлайлсан нутгийн иргэдэд компанийн нэрэмжит бэлгийг гар утасны хамт өгч баярлуулсан байна.
Нээлтийн арга хэмжээнд Архангай аймгийн Батцэнгэл, Өгийнуур, Булган аймгийн Дашинчилэн сумын удирдлагууд болон, Скайтел ХХК төлөөгчид, нутгийн зон олон идэвхтэйгээр хамрагдан оролцжээ.
Скайтел ХХК-ийн Маркетинг, Олон Нийттэй Харилцах алба
