Эрчүүдийн ялгагдах шинж

Туулай эрийн шинж

Туулай мэт зөөлөн зантай, бэлгийн ажилд дуртай биш, ханахдаа хялбар. Шинж төрх нь гэвэл зүс царай, шүд сайтай, нуруулаг, уян налархай хөдөлгөөнтэй, үг цөөнтэй, муу юмнаас холхон явахыг хичээх, сэтгэл зүрх цэвэр, хар буруу санаагүй, худал хэлж, хуурч мэхэлдэггүй, бишрэл сүжигтэй, бусдад тусч, ухаалаг, эрдэм номд мэргэн, эхнэрээсээ бусадтай ханилж нийлэх дургүй, биедээ үнэртэн түрхэх дуртай.

Гөрөөсөн эрийн шинж

Гуалиг цэмцгэр, шажин ёсыг хүндэлдэг, хөрөнгө зоорь хураах дуртай, үнэн хатуу үгтэй, аятай эвлэг ярихыг хичээдэг, эрдэм ухаантай зэрэг сайн тал нь давуу. Ийм хүн үргэлж инээмсэглэж явдаг, дуу хөгжим, уран зохиолд дуртай, эмэгтэй хүнтэй амархан танилцаж чаддаг.

Бухан эрийн шинж

Хоолонцор, бяр чадалтай, хатуу хэцүү ажил үйл эрхэмлэдэг, бэлгийн ажилд дуртай, хүдэр бадриун rap хөлтэй, ухаанаар ядмаг, ичих нь ховор, завхайдуу, бүсгүйг татах ов сайтай, ярих хөөрөхдөө мэргэн түргэн, харах үзэхдээ овжин сэргэлэн, зугаа цэнгэлд дуртай, биенээс нь эхүүн үнэр ханхална.

Азарган эрийн шинж

Явдал ихтэй, үе мөч нь урт бадриун, ховдог шунахай сэтгэлтэй, бусдаас юм салгаж авахыг л хичээдэг, дугариг нүдтэй, нуруу өндөр, бэлхүүс гуя нь бүдүүн, залхуу хойрго, дэмий хоосон их ярих дуртай. Ийм эрээс хол явбал зохино. Гэхдээ амьдралд эдгээр дөрвөн шинжийг цэвэр агуулсан гэхээс илүү холимог шинжтэй эрчүүд давамгайлдаг.

Хань