Гэр хорооллыг хамтаа хөгжүүлцгээе

Иймээс гэр хорооллын амьдрах орчныг сайжруулан хөгжүүлэхэд юуны өмнө оршин сууж байгаа иргэдийн санаачлагыг өрнүүлэн оролцоог нэмэгдүүлэх чиглэлээр цуврал арга хэмжээ авч байгаагийн нэг нь бүх нийтийг ялангуяа залуу үе, ирээдүйн иргэдийн анхаарлыг хандуулах зорилго бүхий Хот байгуулалтын мэдээлэл судалгааны төв-ийн нэрэмжит уралдааныг хоёр дахь жилдээ уламжлал болгон зохион байгуулж байна.

Уралдааны энэхүү зорилго нь Засгийн газрын хүүхдийн хөгжил, хамгааллыг сайжруулах, хүүхэд, өсвөр үеийнхний оролцоог дэмжих бодлоготой нягт уялдаж байгаа учир Гэр хорооллыг хамтдаа хөгжүүлцгээе II уралдааныг 2007 онд Хүүхдийн төлөө Yндэсний газраас санаачлан хэрэгжүүлж буй Өдөр бүр хүүхдээ таван хором сонсъё аяны хүрээнд орон даяар Хот байгуулалт, мэдээлэл судалгааны төв, Хүүхдийн төлөө Yндэсний газар хамтран зохион байгуулж байна.

Гэр хорооллын ирээдүйн хөгжил-Миний бодлоор зохион бичлэгийн уралдаан зарлаж байгаа бөгөөд Ерөнхий боловсролын сургуулийн сурагчдыг хамруулах юм байна.

Зохион бичлэгтээ өөрийн болон найз нөхдийнхөө амьдарч буй гэр хорооллын өнөөгийн болон хэтийн төлөв байдлын талаархи санал бодлоо зохион бичлэгт тусгах, Гэр хорооллын орчноо сайхан байлгаж, амьдрахад хүүхэд, өсвөр үеийнхний оролцоо, хувь нэмрийн талаар өөрийн саналаа тусгах ёстой гэнэ. Мөн уралдаанд гэр хороолол дахь сургуулийн хүүхдүүд анги хамт олноороо оролцож болох юм байна

/Оллоо.МН/