Монголчуудад, тэр тусмаа Монголын залууст өндөр хөгжилтэй орнуудад сурч ажиллах сонирхол их байдаг. Гэсэн ч тэр болгонд тийм боломж олддоггүй. Өнөөг хүртэл хэн азтай, мөнгөтэй, эсвэл явах учиртай нь л хилийн дээс алхаж ирсэн. Гэтэл манайхан нэг боломжийг төдий л ашиглаж ирсэнгүй. Энэ нь хоногийн 24 цагийн турш таны найз байж чадах интернэт. Аль ч хэлээр интернэтээс хүссэнээ олох боломж бий. Харийн нутагт, таних мэдэх хүнгүй газарт ямар ч мэдээлэлгүй очиж амьдарна, хөлөө олно гэдэг дэндүү эрсдэлтэй алхам. Иймд та харьд одохоосоо өмнө очих газраа, хийх ажлаа урьдчилан судалж, тохиролцож байж хилийн дээс алхвал таны ирээдүй баталгаатай байх болно. Энд анхааруулахад, сайн судлахгүй бол интернэт дэх мэдээлэл бүхэн үнэн байж чаддаггүй. Заримдаа худлаа зүйл ч байдаг. Иймд олж авсан мэдээллээ дахин сайн нягтлаарай.

ИНТЕРНЭТЭЭС АЖИЛ ХАЙЖ БОЛНО

Интернэтээр ажил хайж болно. Тухайлбал, www.rileyguide.com нь ажил хайхад тохиромжтой, томоохон сүлжээ юм. Манайханд нэг нийтлэг дутагдал байдаг нь өөрийгөө ажил олгогчдод зөв илэрхийлж, танилцуулж чаддаггүй, ажилд орох ярилцлагад хангалттай бэлтгэдэггүй. Yүнээс болоод олон байгууллагын хаалга татахад хүрэх нь бий. Иймд та уг вэб сайтын ажил хайхад биеэ хэрхэн бэлтгэх, өөрийгөө танилцуулах, ярилцлагад хэрхэн амжилт үзүүлэх талаар зөвлөгөөг анхааралтай уншаарай. www.rileyguide.com-д төрөл бүрийн ажлын байрны талаархи мэдээлэл бий. Вэб сайтаас ажил хайж буй хүмүүс төдийгүй ажил олгогчдод ч хэрэгцээтэй мэдээлэл бий.

Та дараахь вэб сайтаас АНУ-ын мужуудад байгаа ажлын сул байр, орон тооны талаар мэдээлэл авч болох аж.

www.careerbuilder.com

www.careercity.com

www.careers.usatoday.com

www.job-hunt.org

www.flipdog.com

www.jonhuntersbible.com

www.jobstar.com

www.monster.com

Хэрэв та ОХУ-д ажил эрхлэх сонирхолтой бол дараахь вэб сайт руу орж сонирхоорой.

www.resume.ru

www.bestjob.ru

www.haltura.ru

www.joblist.ru

www.jobcity.ru

www.jobsonline.ru

Эндээс та ОХУ төдийгүй Тусгаар тогтносон хамтын нөхөрлөлийн орнуудад байгаа ажлын байрны талаархи мэдээлэлтэй танилцаж сонирхох боломжтой гэнэ.

ГАДААДАД Ч МЭРГЭЖЛИЙН АЖЛАА ХИЙЖ БОЛОХ НЬ

Хэрэв та анагаах ухааны салбарт ажилладаг бөгөөд мэргэжлийн дагуу ажил хайж байгаа бол танд www.nationjob.com/medical вэб сайт тус болно. Yүнээс гадна багш нарт зориулсан вэб сайтууд ч бий. Тухайлбал,

www.chronicle.com/jobs

www.teachers.net/jobs/jobboard

www.teacherplanet.com/jobcenter.htm

Эдгээр вэб сайтад багшлах болон сурган хүмүүжүүлэх чиглэлийн олон сонирхолтой ажлын байрны талаархи мэдээлэл бий. Эндээс та Хятадад англи хэл заах багш, багшийн туслах, хичээлийн дараа идэвхтэй амралт зохион байгуулах ажилтан зэрэг олон сонирхолтой ажлын байрны талаар сонирхож болох гэнэ.

Өөр бас боломж бий. Та өндөр мэдлэгтэй, эрдэм шинжилгээний ажилтан, эсвэл судлаач бол мэргэжлийн дагуу хийх ажил хайж байгаа бол www.sciencejobs.com-д орж үзэхэд илүүдэхгүй.

Олон улсын байгууллага, эсвэл гадаадын компанид ажилд орох хүсэлтэй хүмүүст өөртөө туслах гадаад хэлний мэдлэгтэй нэгнийг олох шаардлага заримдаа гардаг. Тэгвэл танд хэрэгтэй мэдээлэл өгөх вэб сайт байна. Энэ нь www.jobweb.com/resumes_interүiews, www.rileyguide.com/eresume.html, www.serүice.juniata.edu/career/roc.htm юм.

Та Канад орныг зорих гэж байгаа бол www.canadajobs.com руу зочилж болох юм. Yүнээс гадна www.escapeartist.com/jobs/oүerseas.htm вэб сайтаас та Ази, Африк, Латин Америк, Ойрхи Дорнод, баруун болон зүүн Европ, түүгээр ч зогсохгүй Номхон далайн арлууд зэрэг газарт ажиллаж амьдрах боломжийн талаар мэдээллийг авах боломжтой.

ТYР ЗУУРЫН АЖИЛ ХИЙХ СОНИРХОЛТОЙ БОЛ

Олон хүн түр зуурын ажил хийх сонирхолтой байдаг. Ийм ажил нь хүсэхгүй бол ажлаа шууд хаяад явах, хүссэн хугацаагаараа амрах, ажиллаж байгаа компанийнхаа бодлогод орооцолдох шаардлагагүй, дарга нартаа тал засах хэрэггүй гээд олон сайн талтай. Гэхдээ ийм ажлыг хүссэн үедээ олж хийхэд хэцүү. Танд түр зуурын ажил хийх сонирхол, хэрэгцээ байгаа бол www.workroүer.com, www.net-temps.com вэб сайтад зочлоход илүүдэхгүй шүү. Учир нь та эндээс түр зуурын ажил, мөн ажлын бэлэн орон тооны талаархи мэдээллийг байнга авах боломжтой гэнэ.

Та улирлын ажил эрхлэх сонирхолтой байгаа бол дараахь вэб сайтаар аялаарай. www.aplus-summerjobs.com, www.coolworks.com, www.summerjobs.com. Эдгээр вэб сайтад амралтын газар, жуулчны баазууд, хөдөө аж ахуйн гээд улирлын чанартай тун олон ажлын байрны саналтай танилцаж болох юм байна.

ТУРШААД YЗ

Та интернэтээр өөртөө тохирох ажил хайх боломжийг ашиглаад үзээрэй. Учир нь дэлхийн олон орны хүмүүс интернэтээр ажил байнга хайдаг, нөгөө хэсэг нь хамтран ажиллах түншээ, ажилтнаа олох нэгэн гарц гэж үзэх байх юм. Магадгүй таны олон танил энэ аргаар өөртөө тохирох ажлын байр олсон ч байж мэднэ. Хайлт хийх арга нь энгийн, цаг хугацаа хэмнэдэг, олон байгууллагын хаалга таталгүйгээр ажилтай болох боломжтой байдаг болохоор хүмүүс интернэтээр ажил хайх дуртай байдаг гэнэ. Интернэт бол үнэгүй шахам хэрэглээ хэрнээ хоромхон хугацаанд олон сая хүнийг холбодог. Уг сүлжээнд олон сая хүн ажил эрж байгаа, мөн түнш, ажилтнаа хайж байгаа олон пүүс, байгууллага, компанийнхан холбогддог. Ингэснээр хүмүүсийг асар богино хугацаанд олон ажлын байрны саналаас сонголт хийх, өөртөө тохирох ажлыг олоход тусалдаг болохоор энэ арга ажил хайх хамгийн түгээмэл аргын нэг болоод байгаа юм. Интернэт дэх ажил хайгчдад зориулсан олонхи сайт өдөр бүр зараар шинэчлэгддэг. Ер нь та уг боломжийг судлаад үзэхэд алдах юм байхгүй шүү.