Оюутны спортын Универсиад ҮIII наадам амжилттай өндөрлөлөө
2007 оны 8 сард Тайланд улсын Бангкок хотноо болох дэлхийн оюутны зуны XXIҮ Универсиад их наадам, Дэлхийн оюутны аварга шалгаруулах тэмцээнд өрсөлдөх ур чадвартай тамирчдыг сонгон шалгаруулах зорилгоор Монголын оюутны спортын Универсиад 8 дугаар их наадмыг спортын 8 төрлөөр Улаанбаатар хотноо 2007 оны 4 сарын 12-ноос эхлэн 5 дугаар сарын 20 ны өдрүүдэд нэг сар гаруйн хугацаанд Монголын оюутны спортын холбооноос эрхлэн амжилттай зохион байгуулан явууллаа. Энэхүү наадам нь 1993 оноос хойш тасралтгүй 2 жил тутамд зохион байгуулагдаж ирсэн.
Оюутны Универсиад 8 дугаар их наадмын жудо бөх, ширээний теннис, буудлага, гандбол, нийтийн гүйлт, модон бөмбөг, шатар, волейболын тэмцээнүүд амжилттай явагдаж өндөрлөсөн ба нийт 24 сургуулийн 1000 гаруй оюутан залуучууд хамрагдлаа. Орон нутгаас Говь-Алтай, Завхан, Орхон, Ховд аймгуудын 6 сургуулийн баг тамирчид ирж оролцлоо. Наадмын тэмцээнүүдэд Монгол улсын гавьяат тамирчин, олимпийн хүрэл медальт Х. Цагаанбаатар, олон улсын хэмжээний мастер, 2007 оны дэлхийн цомын тэмцээний аварга Ц. Мөнхзул, ОУШХМастер, шатрын улсын аварга Б.Анхчимэг, Ц.Батчулуун нарын зэрэг спортын өндөр цол, зэрэгтэй олон арван шилдэг тамирчид оролцсон юм.
Наадмын төрөл, жин, зай тус бүрт эхний 3 байр эзэлсэн тамирчидад медаль олгон нийтдээ 250 алт, мөнгө, хүрэл медалиар шагналаа.
Наадмын төрлүүдийн дүнг танилцуулж байна. Үүнд
Жудо бөх
Наадмын хамгийн анхны төрөл болох жүдо бөхийн тэмцээн 4 сарын 12-14ний өдрүүдэд ҮБТДС-ийн спортын танхимд болж эм, эр 7 жинд 8 байгууллагын эрэгтэй 100, эмэгтэй 66 тамирчид хүч чадлаа сорин өрсөлдсөнөөс 41 оноогоор ҮБТДС, 43 оноогоор Аварга ДС, 51 оноогоор Шонхор ДС-иуд эхний 3 байрыг эзэллээ. Медальт болон шагналт байрт шалгарсан тамирчдад оноо олгон бага онооны системээр тооцож багийн дүнг гаргалаа.
Жингийн аваргууд
Эрэгтэй
60кг Б.Дамлампүрэв / Аварга/
66 кг С.Миярагчаа /ҮБТДС/
73 кг С.Ням-очир /ҮБТДС/
81 кг Х.Цагаанбаатар /Шонхор/
90 кг Э.Энхбат /Аварга/
Эмэгтэй
48 кг Б.Уранчимэг /ХААИС/
52 кг Т.Оюунсүрэн /Шонхор/
57 кг М.Бундмаа /ҮБТДС/
63 кг А.Мөнгөнсувд /ХААИС/
70 кг Б.Мөнхтуяа/ҮБТДС/
Гандбол
Гандболын тэмцээн МУБИС-ийн БТДС-ын спорт зааланд 4 сарын 26-27ны өдрүүдэд явагдаж эрэгтэй 6, эмэгтэй 5 багийн 120 гаруй тамирчид өрсөлдлөө.
Байгууллагын дүнгээр
1. МУБИС 3 оноо
2. ҮБТДС 6 оноо
3.Мон-Алтиус 7 оноо
Ширээний теннис
Тэмцээн 4 сарын 13-14ий өдрүүдэд теннисийн Оч клубт зохион байгуулагдлаа. 12 байгуулллагын 39 тамирчин оролцсон. Хувийн дүнгээр эмэгтэй эхний 3 байрыг Б.Эрдэнэсувд /ҮБТДС/, Батхишиг /ОТИС/, Нямдулам /МУИС/, эрэгтэй эхний 3 байрыг Алтантулга /ОТИС/, Энхсайхан /ТЗДС/, У.Галбадрах /Плехановын нэрэмжит ЭЗ-ийн Ак/ нар эзэллээ.
Байгууллагын дүнгээр
1. ҮБТДС 30 оноо
2. МУИС 35 оноо
3. МУБИС 36 оноо
Буудлага
Буудлагын тэмцээн 4 сарын 16-18ны өдрүүдэд Техник спортын төв клуб дээр зохион явагдаж 5 сургуулийн 36 тамирчин өрсөлдөнөөс Мон-Алтиус, ҮБТДС, Аварга БТДС-ийн багууд эхний 3 байрт орлоо.
Багын дүнгээр
1. Мон-Алтиус 378 оноо
2. ҮБТДС 365 оноо
3. Аварга БТДС 331 оноо
Нийтийн гүйлт
Нийтийн гүйлтийн тэмцээн 5 сарын 5нд Сүхбаатарын талбайгаас Зайсан толгой хүртэл 5км зайд явагдаж ҮБТДС, Мон-Алтиус, МУБИС, Аварга, ХААИС, МУБИС, Их засаг зэрэг 7 сургуулийн тус бүр нь 20 тамирчид нийтдээ 140 оюутан хурд сорисноос
Эрэгтэй
1.А. Ахыт /ҮБТДС/ 12 оноо
2.Г.Одхүү /ҮБТДС/ 10,5 оноо
3.А.Бахыт /ҮБТДС/ 9 оноо
Эмэгтэй
1.Ч.Шинэцэцэг/Мон-Алтиус/12 оноо
2. С.Пүрэвдулам/МУБИС/10,5 оноо
3. Б.Оюунсүрэн/Мон-Алтиус/9 оноо
Багийн дүнгээр
1. ҮБТДС 58,5 оноо
2. Мон-Алтиус 42 оноо
3. МУБИС 24,5 оноо
Модон бөмбөг
Тэмцээн 2007 оны 5 сарын 12нд Монгол шилтгээн ХК-ний Гачуурт тосгон дахь Их Монгол зочид буудлын цогцолборын модон бөмбөгийн талбайд болж өнгөрлөө.
Тэмцээнд МУБИС, ХААИС, Үндэсний БТДС, Мон-Алтиус БТДС, Аварга БТДС, Говь-Алтай зэрэг 6 сургуулийн эрэгтэй эмэгтэй 24 тамирчин ур чадвараа сорин өрсөлдсөнөөс
Эрэгтэй
1. Б.Энхболд / Мон-Алтиус / 52 оноо
2. Д.Сүх-Очир /АУК/ 55 оноо
3. Ш.Уртнасан /ҮБТДС/ 56 оноо
Эмэгтэй
1. Ц. Ууганбилэг /МУБИС/ 55 оноо
2. Б.Гэрэлмаа / Мон-Алтиус /60 оноо
3. О.Алтантуяа /АУК/ 60 оноо
Байгууллагын дүнгээр
1. Мон-Алтиус 232 оноо
2. МУБИС 234 оноо
3. АУК 241 оноо
Модон бөмбөгийн спортыг Монгол шилтгээн ХК дэмжин туслаж, шинээр модон бөмбөгийн талбай байгуулан өөрийн талбайдаа анхны тэмцээнийг зохион байгуулан хамтран оролцлоо.
Шатар
Шатрын тэмцээн 5 сарын 11-14нд Худалдаа Үйлдвэрлэлийн Дээд сургууль дээр явагдаж ҮБТДС, Мон-Алтиус, МУБИС, Аварга, ХААИС, МУИС, СЭЗДС, Их засаг, Говь-Алтай аймгийн АУК зэрэг 14 сургуулийн эрэгтэй 37, эмэгтэй 15 нийт 52 оюутан оюун ухаанаа сорин өрсөлдсөнөөс
Эрэгтэй
1. М.Гүнбаяр/ Мон-Алтиус /7 хожил
2. Ц.Батчулуун / МУИС / 7 хожил
3. Б.Гүндаваа / ҮБТДС / 6,5 хожил
Эмэгтэй
1. Д.Янжиндулам/МУБИС/7,5 хожил
2. Б.Анхчимэг/ҮБТДС/ 5,5 хожил
3. Э.Энхжаргал / МУБИС/ 5 хожил
Багийн дүнгээр
1. МУБИС 24 оноо
2. МУИС 25 оноо
3. Мон-Алтиус 36оноо
Волейбол
Волейболын тэмцээн 5 сарын 16-19нд МУИСургууль дээр явагдаж ҮБТДС, Мон-Алтиус, МУБИС, Аварга, ХААИС, МУИС, БХИС, Их засаг, Орхоны ТИС, МУИС, Завханы ЭЗДС, Ховдын Их сургууль зэрэг 11сургуулийн эрэгтэй 10, эмэгтэй 10 нийт 230 гаруй оюутан оролцон өрсөлдсөн юм.
Эрэгтэй
1. ХААИС
2. МУБИС
3. МУИС
Эмэгтэй
1. МУИС
2. ҮБТДС
3. МУБИС
Багийн дүнгээр 1. МУИС, 2. МУБИС, 3. ХААИС
Байгуулллагын нэгдсэн дүнгээр
Монголын оюутны спортын Универсиад 8 дугаар их наадмын спортын найман төрлийн байгууллагын нэгдсэн дүнг тэмцээн тус бүрт байр эзэлсэн багийн дүнг бага онооны журмаар тооцон гаргаж эхний 6 байр эзлүүлэн шагнал гардуулахаар наадмын зааварт тусгасан билээ.Үүний дагуу байгууллагын дүнг гаргахад
– 1 дүгээр байр доктор, профессор Г. Лхагвасүрэн захиралтай ҮБТДС тэргүүн байр эзэлж шилжин явах цом, наадмын алтан медаль, МОСХ-ны хүндэт өргөмжлөл, 500 000 төгрөг,
– 2 дугаар байр доктор, профессор Б. Жадамбаа захиралтай МУБИС дэд байр эзлэн наадмын мөнгөн медаль, МОСХ-ны хүндэт өргөмжлөл, 300 000 төгрөг,
– 3 дугаар байр МУ-ын гавьяат тамирчин Д. Намжилмаа захиралтай Мон-Алтиус БТДС гуравдугаар байр эзлэн наадмын хүрэл медаль, МОСХ-ны хүндэт өргөмжлөл, 200 000 төгрөгөөр тус тус шагнууллаа.
Наадмын нэгдсэн дүнгээр 4-6 байруудад ХААИС, Аварга БТДС, МУИСургуулиуд шагналт байруудад шалгарч МОСХолбооны өргөмжлөл, тусгай шагналаар шагнагдав.
Шагналыг 2007 оны 5 дугаар сар 23 өдөр Спортын төв ордоны хурлын танхимд Олон улсын оюутны спортын холбооны Гүйцэтгэх хорооны гишүүн, Монголын оюутны спортын холбооны ерөнхийлөгч Д.Баясгалан, ерөнхий нарийн бичгийн дарга Д. Жаргалсайхан нар гардуулан өгөв.
Энэхүү наадмын буудлага, жүдо бөх, ширээний теннисний төрлөөс шалгарсан тамирчид 2007 оны 8 сард Тайланд улсын Бангкок хотноо болох дэлхийн оюутны зуны XXIҮ Универсиад их наадамд шалгаран оролцох бөгөөд шатрын спортын тэмцээний медальт болон шагналт байранд шалгарсан тамирчид 2008 оны 4 сард ОХУ-ын Новокузнецк хотноо болох Дэлхийн оюутны аварга шалгаруулах шатрын 10 дугаар тэмцээнд өрсөлдөх эрхтэй болж байна.
/Оллоо.МН/
