Энэхүү айлчлал нь Кувейт Улсын төрийн тэргүүнээс манай оронд хийж буй хоёр дахь удаагийн айлчлал болж буй бөгөөд Монгол, Кувейтын дээд, өндөр хэмжээний яриа, хэлэлцээний давтамжийг хадгалах, хоёр орны харилцаа, хамтын ажиллагааг гүнзгийрүүлэхэд чухал ач холбогдолтой болно гэж үзэж байна. Айлчлалын үеэр Монгол Улсын Ерөнхийлөгч Н.Энхбаяр, Кувейт Улсын Эрхэм дээд Эмир шейх Сабах Аль-Ахмад Аль-Жабэр Аль-Сабах нар албан ёсны уулзалт хэлэлцээ хийж, УИХ-ын дарга Д.Лүндээжанцан, Ерөнхий сайд М.Энхболд нар Эмирт бараалхах юм байна.

Эдгээр яриа хэлэлцээ, уулзалтын үеэр Монгол, Кувейтын хамтын ажиллагааны байдал, төлвийн талаар ярилцаж, худалдаа, эдийн засгийн хамтын ажиллагааг өргөжүүлэх, хөрөнгө оруулалтын томоохон төслүүд хэрэгжүүгэх боломжийн талаар болон олон улс, бүс иутгийн харилцан сонирхсон асуудлуудаар санал солилцохоор төлөвлөж байна.

Айлчлалын үеэр Монгол Улсын Ерөнхийлөгчийн Тамгын газар, Кувейтын Эмирийн Ордны эрхлэх яам хооронд хамтран ажиллах тухай Харилцан ойлголцлын санамж бичиг; Монгол Улсын Гадаад хэргийн яам, Кувейт Улсын Гадаад хэргийн яам хооронд хамтран ажиллах тухай Харилцан ойлголцлын санамж бичигт гарын үсэг зурахаар бэлтгэж байна.

Т. Од /olloo mn/