Төмөр нь эсийн дотоод үйл явцыг хангагч хүчилтөрөгчийн солилцоог явуулахад чухал үүрэгтэй. Энэхүү үнэт бичил элемент биед дутагдвал эрхтнүүд амьсгалахад хүндрэлтэй болж, цус багаддаг. Үүний үр дүнд бие махбод ажил хаялт зарлаж, сурах, шинэ мэдээллийг хүлээн авах чадвар буурч, ядарч сульдан, нойр хүрч, зүрхний хэмнэл алдагдаж, толгой эргэж эхэлдэг байна.

Мөн төмрийн дутагдалтай холбоотой цус багадалтын үед үс халцарч, хумс амархан хугарч, арьс цонхийдог гэнэ.

Хэрвээ танд дээрх шинж тэмдгүүд илэрч байвал төмрийн найрлагатай витамин хэрэглээрэи. Жүржийн исгэлэн шүүс, нохойн хошууны ханд төмрийг биед амархан шингээдэг. Харин цай, кофе, сүү нь ингэцийг удаашруулдаг байна.

Хүний хоногийн төмрийн хэрэгцээ 15-18мг байдаг. Сарын тэмдгийн өдрүүдэд эмэгтэй хүн 15-250 хүртэл мг төмрөө алддаг байна. Тиймээс сарын тэмдгийн үеэр, түүний өмнө болон дараахь 2-3 хоногт төмрийн давсны бэлдмэл хэрэглэхийг эмч нар зөвлөдөг.

Өглөөний сонин 147/212/