Энэ санал хураалтаар Ерөнхий сайд онолын дагуу ощорч болох авч тэрээр урьдчилсан дүнг зарласны дараа огцрохгүй гэж мэдэгдлээ. Өнгөрсөн ням гаригт Японы парламентын дээд танхимын 242 мандатын хагасынх нь эзэд сонгогдлоо.

Өмнө нь Шинзо Абэгийн 132 либерал ардчилагчид дээд танхимд олонх байлаа. Олонхоо хадгалахын тулд тэд 121 мандатаас 64 суудал авахад хангалттай байв. Анхны дүнгээр ЛАН 31-41 суудал авсан бололтой. Гэхдээ Ерөнхий сайдыг сонгодог илүү эрх мэдэлтэй доод танхимд эрх баригч эвслийнхэн дийлэнх олонх болдог.

Тэтгэврийн асуудал

Шинзо Абэ өнгөрсөн жилийн есдүгээр сард ард түмнийхээ дунд нэр хүндтэй Жоничиро Коизумийг солин Ерөнхий сайд болсон билээ. Өнгөрсөн сонгууль танхимын тэргүүнд хамаагүй мэт боловч хэрэв ЛАН ялагдвал Ерөнхий сайд ощорч болно гэж шинжээчид хэлж байлаа. Түүний нэр хүндэд Абэгийн танхимын гишүүдийн орооцолдсон дуулиан нөлөөлсөн юм. Мөн Сонгуулийн өмнө үндэсний тэтгэврийн системтэй холбоотой хэрэг сонгогч дын саналд ихээ хэн нөлөөлөв. Засгийн газрын агентлаг олон саяын төлбөртэй холбоотой баримтыг гээсэн гэдгээ хүлээн зөвшөөрсөн юм.

Хөгширч буй Японы нийгэмд тэтгэврийн асуудал чухал. Хэдийгээр дуулиан Абэг засгийн эрх авахаас өмнө гарсан ч сонгогчид Ерөнхий сайд энэ асуудлыг шийднэ гэдэгт эргэлзэж байна. Сонгуулийн өмнө ЛАН-ын нэртэй хууль тогтоогчид Абэг дэмжин энэ сонгууль нь түүнийг Ерөнхий сайд байх эсэх асуулга биш гэж байв. Харин Ерөнхий сайд өөрөө намынхаа кампанит ажлыг муу хийсэн гэж ощорч магадгүй.

Сонгуулийн сурталчилгааны сүүлчийн өдөр болох бямба гаригт Шинзо Абэ өөрөө сонгогч нарт хандан шинэчлэл явуулах боломж олгохыг хүслээ. Токиод болсон нэгэн цуглаан дээр Абэ хэлэхдээ Бид бол хариуцлагатай нам. ЛАН-д эрх мэдэл өгөөч! Бид шинэчлэлийг хийнэ гэсэн юм. Гэтэл сөрөг хүчний Ардчилсан намын лидер Итиро Озава Абэгийн нам ялбал Японы ардчилалд төгсгөл ирнэ гэж байлаа. Хэрэв Ардчилсан нам болон түүний улс төрийн түншүүд дээд танхимд олонх болж чадахгүй бол огцорно гэдгээ ч тэрээр хэлж байлаа.

Ардын эрх 147/679/