Гэтэл Д.Загджав шаардлага гарт нь атгуулсан ИЗН-ын гишүүдийг хүч хэрэглэн албан өрөөнөөсөө гаргах тушаалыг цагдаагийнханд өгсөн аж. Цагдаа нар ч тушаалыг ёсчлон биелүүлэхээр хүч хэрэглэж эхэлсэн байна. Энэ үйлдлийг дүүргийнх нь иргэд хараад зогсч чадсангүй, эсэргүүцэл үзүүлснээр бяцхан үймээн дэгджээ. Тэгтэл Засаг дарга Д.Загджав өрөөний хаалгыг лацдаж, хадахаар авчирсан банзыг хараад Буу шийдэм авчирлаа хэмээн хашгирч Тамгын газрын ажилтнуудаа дуудан дахин дажин дэгдээсэн байна. Тамгын газрын дарга н.Элдэвсүрэн нь ноён Д.Загджавыгаа өмөөрөн Иргэний зориг намынхныг гудамжныхан гэж гутаан доромжилсон гэнэ. Тэр ч байтугай Энэ бол Нийслэлийн Засаг дарга бөгөөд Улаанбаатар хотын захирагч Ц.Батбаяр гэдэг хулгайч, новшийн хийж буй үйлдэл гэж хашгичжээ.

Г.Наран

Ардын эрх 148/680/