Гэхдээ нар, хур тэгширсэн сайхан намар гарах нь гэж ойлговол эндүүрэх аж. Учир нь хөрсөн дээр цочир хүйтрэл ч болох юм байна. Нөгөөтэйгүүр, агаарын дундаж температур ихэнх нутгаар олон жилийн дунджаас 1 -2 градус дулаан байх ч орох борооны хэмжээ төвийн нутгийн зүүн хагаст бага, Баян-Өлгий, Ховд, Говь-Алтайн уулархаг нутаг, Хөвсгөлийн хойд хэсгээр ахиу орох төлөв ажиглагджээ. Түүнчлэн хүнсний ногоо тариалагчңц сонор сэрэмжээ дээшлүүлэхгүй бол хавар, зуны их ажлаа будаа болгож мэдэх нь. Муу амлалаа гэж бүү зэмлээрэй, цаг агаарын урьдчилсан мэдээлэлдХангайн уулархаг нутгаар шөнөдөө хасах 3 градус хүрч цочир хүйтэрнэ гэж тэмдэглэсэн тул урьдчилан сэрэмжлүүлсэн маань энэ. Одоо харин элдэв үггүйгээр цаг агаарын төлөвийг сонирхуулъя.

Усан бороо орно Ө.нөөдөр нутгийн төв хэсгээр усархаг бород орох нь ээ. Усан бороо Улаанбаатар, Хэнтийн уулархаг нутгаар зусэрч орох юм байна. Иймд малчид, ард иргэдийг үер усны аюулаас сэрэмжтэй байхыг холбогдох газрууд анхаарууллаа. Маргааш, нөгөөдөр нутгийн зүүн хагаст, 4-нд нут¬гийн хойд хэсгээр, 5-нд баруун зүгийн нутгийн зарим газар, төвийн нутгийн баруун хэсгээр дуу цахилгаантай бороо орох аж. Борооны үеэр салхи түр зуур ширүүсэх гэнэ.

Ихэнх хугацаанд сэрүүн бөгөөд Алтай, Хангай, Хөвсгөл, Хэнтийн уулархаг нутгаар шөнөдөө 8-13, өдөртөө 16-21 градус дулаан байх аж. Нэг зүйлийг анхааруулахад усан бороо нэгдүгээр арав хоногийн сүүлийн хагаст татарч, халуун өдөр залгах аж. Тодруулбал, нутгийн өмнөд хэсгээр, хоёрдугаар арав хоногийн дунд үеэр Их нууруудын хотгор, Олон нууруудын хөндий, Орхон Сэлэнгийн сав, Алтайн өвөр говиор өдөртөө 31 -36 градус хүрч халах юм. Бусад нутгаар 25-30 градус дулаан байх нь ээ.

Цочир хүйтэрнэ Сарын хоёр, гуравдугаар арав хоногийн эхэн ба сүүлчээр ихэнх нутгаар дуу цахилгаантай бороо орох юм байна. Зарим газраар түр зуурын хүчтэй аадар бороо орох төлөв ч ажиглагдаж байгаа аж. Харин хоёр, гуравдугаар арав хоногийн эхэн ба сүүлчээр салхи түр зуур 12-16 м/сек, зарим газраар 20 м/секунд хүртэл ширүүсч болзошгүй гэнэ. Энэ үеэр сэрүүсч, Хангай, Хөвсгөл, Хэнтийн уулархаг нутгаар шөнөдөө 3-8, өдөртөө 14-19 градус дулаан байх аж.

Говийн нутгаар шөнөдөө 10-15, өдөртөө 22-27 градус, бусад нутгаар шөнөдөө 7-12, өдөртөө 18-23 хэм дулаан байх нь. Гэвч хоёрдугаар арав хоногийн эхэн, хоёр, гуравдугаар арав хоногийн сүүлчээр Хангайн уулархаг нутгаар шөнөдөө хасах 3 градус хүрч цочир хүйтрэхийг мэргэжилтнүүд анхаарууллаа. Тэр дундаа таримал ургамал муу байгаа Увс, Дорнодын нутагт тэнгэр таагүй хандах гэсэн шүү.

Г.Нэргүй

Ардын эрх 148/680/