даатгалын компаниудын санхүүгийн чадавхийн талаар асууж сонирхов. Ер нь гишүүдийн асуулт, санал нь одоо үүсээд байгаа хадгаламж зээлийн хоршоодын дампуурал дахин үүсгэхгүй байх. Мөнгөний бодлогыг найдвартай хянаж, ханшийг хадгалах, иргэдийг олноор нь хохироохгүй байх зэрэг байсан юм. Санхүүгийн зохицуулах хорооны дарга Ц.Баярсайханы хэлж буйгаар тус хорооноос 11 даатгалын компани, 125 хадгаламж зээлийн хоршоо, 129 банк бус санхүүгийн байгууллага тусгай зөвшөөрөл аван үйл ажиллагаагаа явуулж байгаа. Мөн Монголын Хөрөнгийн бирж дээр 387 хувьцаат компани үнэт цаасаа арилжиж байгаа аж. Санхүүгийн зохицуулах хорооны даргыг 2006 оны тайлангаа танилцуулахад гишүүн Д.Мөнхтуяа,

-Батлан хамгаалах яамны харъяаны МИ-8 нисдэг тэргийг үнэг хөөж яваад унагаж сүйтгэсэн. Гэтэл сайд нь энэ онгоц даатгалтай болохоор хохиролгүй гэж хэлсэн. Яг аль компанид даатгуулсан. Даатгалын хохирол барагдуулах ажил ямар шатандаа явж байна. Мөн таван хоршоо дампуурч цагдаагийн байгууллагад шилжиж ирсэн гэлээ.

-Санхүүгийн зохицуулах хорооны дэд дарга Шаравсамбуу БХЯ МИ-8 нисдэг тэргээ Монгол даатгал компанид даатгуулсан юм билээ. Даатгалын хохирол барагдуулах ажил хэвийн үргэлжиж байгаа. Хэрэв хохирол барагдуулахад маргаан гарвал манай байгууллагад хандах ёстой.. Одоогоор хандаагүй байгаа. Харин нэмж дампуурсан таван хоршооны хувьд хоёрынх нь эзэн олдохгүй, хоёр нь манай хоршоонд худал мэдээлэл өгч байсан, үлдсэнийг нь гишүүд нь өөрсдөө цагдаагийн байгууллагад өгсөн.

Г.Батхүү

Та нар хадгаламж зээлийн хоршоонд тусгай зөвшөөрөл өгч байгаа. Тэгэхлээр дахиад дампуурлаа гээд олон хохиролвол хариуцлагыг та нар давхар үүрэлцэх үү. 50 хувийг эргэн төлөгдөх нөхцөлтэйгөөр хохирол барагдуулах хуулийн төсөл яригдаж байна. Төр хохирлыг нь барагдуулаад л байх уу.

Ц.Баярсайхан

Хадгаламж зээлийн хоршооны бие даасан хууль санаачлан боловсруулсан. Ер нь аливаа хадгаламж зээлийн хоршоо дампуурлаа гэхэд Санхүүгийн зохицуулах хороо давхар хариуцлага хүлээхгүй. Яагаад гэвэл хуулийн этгээд цэвэр өөрсдийн буруугаас бизнесийн эрсдэлд орж дампуурч байгаа. Энэ удаа хохирлын 50 хувийг эргэн төлөгдөх нөхцөлтэйгөөр олгохдоо бүгдэд нь хавтгайруулж олгож болохгүй. Гэхдээ өгөхөөс өөр аргагүй байгаа. Хохирогчид өнөөдөр мөнгөний гачаалалд орсон байгаа.

Л.Гантөмөр

Банк бус санхүүгийн байгууллагын хүү өндөр байдаг. Тийм атал яаж амьдраад байгаа нь сонин. Хүүг нь буулгах талаар ярилцаж үзсэн үү

Ц.Баярсайхан

ББСБ-ын хадгаламжийн хүүг бууруулах талаар манай хоршооноос ярилцаж үзсэн. Гэвч тэд банкнаас мөнгө зээл эргэлдүүлж ч байгаа. Тэгэхлээр банкны хүү өндөр байна гэж байсан. ийм маягаар асуулт хариулт өрнөн зарим нэг гишүүдээс хадгаламж зээлийн хршоо гэж байх ёсгүй. Хэрэв байлгамаар байвал дэлхийн жишигт ямар байна түүн шиг байх шаардлага тавь. Тэгсэн цагт Санхүүгийн зохицуулах хороо хөрөнгийн зах зээл, мөнгөний бодлогоо барьж чадна гэсэн санааг гаргаж байв.

Хархорин жишиг хотын дагуул хот болно

Байнгын хорооны дараагийн асуудал Эртний нийслэл Хархорумыг жишиг хот болгон хөгжүүлэх хөтөлбөр батлах тухай УИХ-ын тогтоолын төсөл байв. Энэ асуудал эхлүүт АН-ынхан жишиг хот байгуулахад зарчимыг зөрүүтэй саналууд байна. Олон улсын нисэх онгоцны буудлыг заавал төв аймаг гэж байхаар жишигт хотдоо баръя гэсэн саналуудыг гаргаж жаахан маргалдав.

Шинэ хот байгуулахад асар их хэмжээний хөрөнгө мөнгө шаардлагатай. Мөн шинжлэх ухааны үндэслэлтэй судалгаа, шинжилгээ хийх хэрэгтэй гээд асуудал их байгаа. Ямартай хамгийн сүүлийн судалгаагаар-Хархорум хот байгуулахад ундны усны нөөц хүрэлцэхгүй байх магадлалтай. Тиймээс хотоо Өгий нуур руу шилжүүлж болох юм гэсэн санал гарсан. Хархорин сум жишиг хотын дагуул хот болж хөгжих боломжтой. Шинэ хот Ерөнхий сайдтай харьцдаг захиалагчийн товчоотой, бүрэн эрхт төлөөлөгчийн газартай байхаар төлөвлөсөн гэж байлаа.

Өнөөдрийн Монгол 148 (569)