Уг хуулийн төсөлтэй Засгийн газрын гишүүд танилцаад өөрсдийн байр суурийг илэрхийлсэн

байна. Мөн Нийгмийн бодлого, боловсрол, соёл, шинжлэх ухааны байнгын хорооны хурлаар Монгол улсын баатар, хөдөлмөрийн баатар, ардын болон гавьяат цолтой ахмад настанд нэмэгдэл тэтгэвэр олгох тухай хуулийн төсөл, нэмэгдэл татгэвэрийн хэмжээг тогтоох тухай УИХ-ын тогтоолын төслийг хэлэлцэх ёстой байсан боловч хуралдаан хойшилсон. Дээрх асуудлаар НХХ-ийн сайд Д.Дэмбэрэлээс тодруулснаа хүргье.

-Нийгмийн даатгалын тухай багц хуулинд өөрчлөлт оруулах тухай Зас¬гийн газрын хуралдаанаар хэлэлцүүллээ. Энэ талаар тодруулна уу?

-Нийгмийн даатгалын тухай багц хуулинд өөрчлөлт оруулах тухай асуудлыг Засгийн газрын хуралдаанаар оруулж хэлэлцүүллээ. Даатгалын хуулинд өөрчлөлт оруулахаар сүүлийн жилүүдэд нэлээд судалгаа хийсэн байгаа. Судалгааны явцад Нийгмийн даатгалын тухай хуулинд анхаарууштай, засмаар зүйлүүд гарч ирсэн. Мөн ажил олгогчдын зүгээс Татварын хөнгөлөлт, ачааллыг нэлээд багасгаж өглөө. Одоо даатгалын шинэтгэлийн ачааллыг нь багасгаж өнгө үү гэсэн саналыг удаа дараа тавьж байсан. Үүнтэй холбогдуулаад УИХ-ын зарим гишүүд нийгмийн даатгалын тухай хуулинд өөрчлөлт оруулах тухай асуудлыг оруусан.

-Тус хуулинд хийж байгаа гол нэмэлт өөрчлөлт нь юу вэ?

-Нийгмийн даатгалын тухай багц хуулинд орж байгаа өөрчлөлтөд даатгалын шимтгэлийг авах, орлого тодорхойлох асуудлууд багтаж байгаа. Даатгалын хувь хэмжээний ту-хайд хуучнаараа тогтоогдох болж байна.

-Нийгмийн даатгалын тухай хуулийн нэмэлт өөрчлөлтөд Засгийн газрын гишүүд ямар байр суурьтай байна?

-Энэ хуулийн төслийн талаар Засгийн газар өөрийнхөө саналыг хэлж байр сууриа тодорхой илэрхийлсэн байгаа. Энэ нь Нийгмийн даатгалын тухай хуулинд оруулж байгаа гол зүйл бол ажил олгогчдийн зүгээс нийгмийн даатгалд төлөх хувь, хэмжээг бууруулж, ачааллыг багасгах арга хэмжээ авч байгаа юм. Энэ арга хэмжээг авахдаа даатгуулагчдийн нийгмийн даатгалын шимтгэлд цалингаасаа төлдөг хувь хэмжээг нэмэгдүүлэхгүйгээр уг асуудлыг шийдэх нь зүйтэй гэсэн байр суурийг Засгийн газар илэрхийлсэн.

-Хөдөлмөрийн баатар, гавъяат, ардын жүжигчин зэрэг цолтоны нэмэгдэл тэтгэвэр тогтоох тухай хуулийн төслийг байнгын хороогоор хэлэлцүүлнэ. Энэ талаар…?

-Монгол улсын гавъяат, хөдөлмөрийн баатар, алдар цолтнууд тэтгэвэр авч болно гэсэн заалт хуулинд байгаа. Үүнтэй холбогдуулаад Ерөнхийлөгч Н.Энхбаяр хууль санаачилсан байгаа. Энэ хуулийн төсөлд алдар цуутай хүмүүст тусгай тэтгэвэр тогтоох тухай зааж оруулсан байгаа. Өөрөөр хэлбэл байгаа татгэвэрийн хэмжээ бага байгаатай холбогдуулан сэр тутам нэмэгдэл тэтгэвэр олгож байх асуудлыг оруулсан. Өнөөдөр алдар цолтой хүмүүс гавъяа-ныхаа амралтанд гарсны дараа авч байгаа татгэвэрийн хэмжээ нь бусад иргэдийн адил байгаа шүү дээ.

-Сард яг хэдэн төгрөгийн нэмэгдэл тэтгэвэр авах вэ?

-Сар тутамд 100-130 мянган төгрөгийн нэмэгдэл тэтгэвэр олгож байхаар тусгагдсан.

(Өглөөний сонин 152/217)

Ж.НАРАН