Он гарсаар эхний дөрвөн сарын байдлаар хүн худалдаалах гэмт хэргийн 21 үйлдлийг илрүүлж эрүүгийн хэрэг үүсгэн шалгаж байгаа Саяхан ЭЦГ-ынхан нэгэн эмэгтэйг шалгаж эхлээд байна. Охидыг бусдад худалдаж амьдардаг байсан тодорхой эрхэлсэн ажилгүй Б.Даваадуламыг саатууллаа.

Тэрбээр саун, массажны газар ажиллуулдаг бөгөөд түүний мэдэлд 200 гаруй охин байсан аж. 15-24 насны охидыг ажилд авна хэмээн хуурч биеэ үнэлэхийг шаардаж байсан гэдгийг охид хэлж байгаа гэнэ. Б.Даваадулам гэгч анх ажилд авахдаа хөдөө орон нутагт эцэг эх нь байдаг охидыг сонгож авсан нь ямар нэгэн асуудал гарахад хэлэх хүнгүй, ашиглах боломжтой гэж үзсэн хэмээн цагдаагийнхан хэлж байгаа юм байна. Тэдний дунд өөрийн хүслээр биеэ үнэлж байсан нэгэн ч байгаа аж. Охидыг эрүүл мэндийн үзлэгт хамруулахад тал хувь нь бэлгийн замын халдварт өвчин авсан болон хүндэрсэн болохыг тогтоожээ. Түүний ажиллуулж байсан саун, массажны газар нь наад захын эрүүл ахуйн шаардлага хангахгүй байсан бөгөөд хууль зөрчсөн учир үйл ажиллагааг нь зогсоожээ.

дугаар 096/116