УИХ-ын гишүүн М.Энхсайхан хэлэхдээ манай намын мөрийн хөтөлбөр онцлог бөгөөд баялаг. Сонгуулийн хөтөлбөрийн үндэсээ хамгийн түрүүнд жилийн өмнө танилцуулсан нам бол ҮШН. Гуравдагч хүчний холбооны намууд хийх ажил зорилго дээр санал нэгдэж, хөтөлбөр дэвшүүлж байсан. Тэдгээр нь ҮШН-ын хөтөлбөрт тусгалаа олсон. Түүнчлэн МАХН, Ардчилсан нам болон парламентад суудалтай намуудын дэвшүүлсэн шилмэл зорилтуудыг намынхаа Үндэсний үзлийн чиг баримжаатай нийцүүлж мөрийн хөтөлбөртөө тусгалаа гэж онцолсон юм. Таван нэрийн хүнсний бүтээгдэхүүнээр улсын нөөц бүрдүүлэх, Хүүхдийн мөнгийг 20,000-д хүргэх уламжлалт Бурханы шашиныг төрийн шашин болгох, архи спиртийн үйлдвэрүүдийг төр мэдэлдээ авч хянах, хямд орон сууцны байшин үйлдвэрлэх комбинат байгуулах, дээд боловсролыг үнэ төлбөргүй болгох зэрэг эртнээс дэвшүүлж байсан зорилтуудынхаа сацуу эхчүүдийг хүүхдээ өсгөн бойжуулсаны төлөө төрөөс урамшуулах зэрэг МАХН-ын чухал саналууд ч ҮШН-ын мөрийн хөтөлбөрт багтлаа.

дугаар 096/116/