Мөн 2008 оны дөрөвдүгээр сарын 30-ны өдрийн Засгийн газрын хуралдаанаар хуулийг хэрэгжүүлэх журам, мөн тусламж, хөнгөлөлтийн хэмжээг шинэчлэн тогтоогоод байна. Дээр дурдсан журмууд энэ долоо хоногт албан ёсоор гарна. Өөрөөр хэлбэл шинээр тэтгэвэр, тэтгэмж, тусламжид хамрагдах иргэдийн хувьд журам мөрдөгдөж эхэлсэн хугацаа буюу дээрх cap, өдрөөс журам гарах хүртэлх хугацааны тэтгэвэр, тэтгэмж, тусламжийн тухайн иргэнд ноогдох мөнгийг нөхөж олгох юм.

Тусламж хөнгөлөлтийн хэмжээний хувьд байнгын асаргаа шаардлагатай иргэнд улиралд нэг удаа олгох мөнгөн тусламжийн хэмжээг 30 мянган төгрөгөөр, 14 хүртэлх насны гурав ба түүнээс дээш тооны хүүхэдтэй өрх толгойлсон эх, (эцэг)-д жилд нэг удаа олгох нөхцөлд мөнгөн тусламжийн хэмжээг 60 мянган төгрөгөөр, гурав хүртэлх насны ихэр хүүхдэд жилд нэг удаа олгох мөнгөн тусламжийн хэмжээг 60 мянган төгрөгөөр, 18 нас хүрээгүй байхдаа бүтән өнчин болсон гэнэтийн аюул , ослын улмаас гэр оронгүй болсон өрхөд гэр авахад нь дэмжлэг үзүүлэх зорилгоор олгох мөнгөн тусламжийн хэмжээг 500 мянган төгрөгөөр тогтоосон. Мөн орон сууцны хөлсний болон түлшний хөнгөлөлтөд жилд нэг удаа олгох мөнгөн тусламжийн хэмжээг 140 мянган төгрөг болгосон. Нийслэл болон хот суурин газарт нийтийн тээврийн хэрэгслээр зорчих хөгжлийн бэрхшээлтэй хүүхдийг тусгай сургуульд нь хүргэж өгч, авдаг асран хамгаалагч, харгалзан дэмжигч нэг хүнд жилд нэг удаа олгох унааны зардлын хөнгөлөлтийг 90 мянган төгрөг болгожээ.

дугаар 096/116