болон 30 литрийн багтаамжтай хийн баллоны оролтын хошуу тэсэрснээс уг цайны газрын гал зуухны өрөөний хана, 5хЗм хэмжээтэй хаалганы хэсэг нурж, бүх цонх нь хагарчээ. Энэхүү ноцтой явдал өнгөрсөн баасан гарагийн үүрээр буюу 05.30 цагт болсон юм. Уг дэлбэрэлтэд тус цайны газрын ажилтан 20 настай Б.Эрдэнэчимэг нэлээд хүнд түлэгдсэн. Түүнчлэн үйлчлүүлж байсан 22 настай Баттогтох, 20 настай Мөнхцэцэг нар цонхны шилэнд зүсэгдэж, 18 настай Мөнхцэцэгийн гар, нуруу түлэгджээ. Тэднийг онцгой байдлынхан 103 дуудан, Гэмтэл согог судлалын үндэсний төвд хүргэж өгсөн байна. Уг цайны газарт 30 литрийн багтаамжтай хоёр баллонтай хий байсны нэг нь дэлбэрсэн аж. Жижигхэн өрөөнд тархсан ийм их хий асар хүчтэй дэлбэрч, гадаа байсан УБД 06-45, УБИ 82-76 дугаартай Эксел маркийн машины арын шил, УБЗ 37-89 дугаартай, суудлын машины жолоочийн талын салхины шил хагарчээ. Дэлбэрэлт болохоос хоёр хоногийн өмнө Дашваанжил-ын борлуулалтын менежер нь баллоныг сольж, шинээр тавьж өгчээ.

Уг баллоныг буруу, алдаатай угсарсан байж ч болзошгүй гэж мэргэжлийн хүмүүс үзэж байгаа юм байна. Тус цайны газар жижигхэн. Халаагуур, хуушуур хайрдаг тостой тогооныхоо дэргэд хийтэй баллоноо тавьсан байсан гэнэ. Уг нь халаагуураас нэлээд зайтай тавих учиртай байж. Энэ бүхнийг баллонтой хий авчирч өгч байгаа борлуулагч шинээр суурилуулж өгөх бүртээ сануулж, зааварчилгаа өгөх ёстой юм байна. Хэрэв олон давхар орон сууцанд хий дэлбэрсэн бол тэр давхрын олон айл нурах эрсдэлтэй байсан гэнэ. Монгол хуушуур цайны газрын ажилтан Б.Эрдэнчимэг одоогоор Гэмтэл согог сэргээн засах клиникийн эрчимт эмчилгээний дараах өрөөнд хэвтэн эмчлүүлж байгаа юм байна.

Манай сурвалжлах хэсэг өвчтөний биеийн байдлыг тус эмнэлэгийн түлэнхийн тасгийн эмчлэгч эмч Б.Алтанцэцэгээс тодрууллаа

– Монгол хуушуур цайны газрын ажилтан Б. Эрдэнчимэгийн биеийн байдал ямар байна?

-Дунд зэрэг байна. Тэрбээр толгой, хоёр гар нь түлэгдсэн. Анх ирэхдээ их сандарч хувцас нь хайлж наалдсан байсан. Тогооч нар чинь нимгэн нелон хувцас өмсдөг юм байна лээ. Тэр нь галд маш түргэн шатаж биетэй нь наалдсан байсан.

-Амь насанд нь аюулгүй биз дээ?

-Аюул байхгүй ээ.

-Танай эмнэлэгт Б.Эрдэнэцэцэгээс өөр Монгол хуушуур цайны газраас гэмтэж ирсэн хүн бий юу?

-Хоёр хүүхэд жижиг гэмтэлтэй ирсэн. Тэд шагайгаа гэмтээсэн, түлэнхий нь үсэрхийлсэн хэлбэртэй байсан.

Бид Б.Алтанцэцэг эмчээс зөвшөөрөл авч Б.Эрлэнэчимэгийн сахиур Э.Сугараас дараах тодруулгыг авсан юм

-Өвчтөний биеийн байдал ямар байна?

-Хүнд л байна. Нүүр хоёр гар нь түлэгдсэн болохоор чих нь өвдөөд бие нь их зовиуртай байгаа. Сая та нарыг орж ирэхээс өмнөхөн уйлж байгаад унтаж байгаа нь энэ.

-Эмчилгээ хэр хийгдэж байна?

-Гайгүй ээ. Өнөө өглөө гэхэд л гурван тариа хийсэн. Ер нь шаардлагатай эмчилгээг цаг алдалгүй хийж байгаа. Эмч нар амь наснаас нь хол гэж хэлсэн.

-Хоол ундандаа ямар байна?

-Сайн байгаа. Ой ухаан нь ч сайн. Хамгийн гол нь нэг тасагт олуулаа хэвтэж байгаа болохоор дуу чимээнээс түйртээд хэцүү байна.

Манай сурвалжлах хэсэг шингэрүүлсэн шатдаг хий цэнэглэгч Дашваанжил ХХК -д очиж холбогдох мэргэжилтнээс тодруулга авах гэсэн боловч амралтын өдөр учир ажилдаа ирээгүй гэсэн хариултыг тус компанийн худалдагч эмэгтэй хэлсэн юм.

Тэрбээр бид одоогоор ямар нэгэн мэдээлэл өгөхгүй. Хэнийх нь бурууг холбогдох газрууд нь удахгүй тогтооно биз гэсэн хариуг өгч байлаа. Хорь гаруйхан настай Б.Эрдэнэчимэг бүсгүй Улаанбаатар хотод ирээд гурван жил болж байгаа нэгэн бөгөөд хотод хамаатан садан цөөтэй юм байна. Тиймээс холын хамаатных нь бүсгүй түүнийг сахиж байгаа аж. Б.Эрдэнэчимэг тус зоогийн газарт ажиллаад жил гаруй болж байжээ. Хэдийгээр эмч нарын буянаар түлэгдэлт түүний амь наснаас холуур өнгөрсөн ч үүрд гоо сайханаа алдах нь тодорхой. Эмэгтэй хүнд ялангуяа энэ насны бүсгүйд гоо сайханаа алдана гэдэг хүнд цохилт болох нь ойлгомжтой. Түүний эмчилгээний зардал, гоо сайханаа алдсан хохирлыг буруутай этгээд төлөх л учиртай. Тиймээс энэ талаар бид эргэн сурвалжлах болно.

Б.Анхцэцэг

дугаар 096/116