НҮБ-ын хүүхдийн эрхийн хороонд Жорж Бушийн засаг захиргааны танилцуулсан илтгэлд ингэж хүлээн зөвшөөрчээ. Иргэний эрх чөлөөг хамгаалах Америкийн холбоо энэ баримт бичгийн агуулгыг зарласан байна. Илтгэлээс үзвэл, 2003 оны гуравдугаар сард Иракт Америкийн цэрэг орсноос хойш эрх баригчид насанд хүрсэн террористуудтай холбоотой гэсэн сэжгээр нийтдээ 2400 орчим хүүхдийг саатуулжээ. Одоогийн байдлаар тэднээс барагцаалбал 500 нь шоронд хоригдож байна. Америкийн мэдээнээс үзвэл, Иракт насанд хүрээгүй хоригдлууд дундчаар тус бүр нэг жил орчим хоригдож, олонхи нь хагас жилийн дотор суллагдцаг байна.

Гэхдээ тун аюултай хэмээн АНУ-ынхан үзэж, суллах гэхгүй байгаа хүүхдүүд бас байдаг ажээ.

Афганистанд 2002 оноос америкчууд бас 90 орчим хүүхэд, өсвөр насныхныг саатуулсан байна. Илтгэлээс үзвэл, одоо тэдний 10 нь Баграмын баазын шоронд хоригдож байгаа ажээ. Мөн энэ хугацаанд 13-17 хүртэлх насны найман хүүхдийг Кубын Гуантанамо дахь АНУ-ын тэнгисийн цэргийн хүчний баазад хүргэсэн байна. Одоо тэднээс 20 гаруй настай хоёр нь хоригдож байгаа ажээ.

Дугаар 111/2398/