Тэрбээр одоо шинэ амжилт тогтоохоор тэмцэж байгаа аж. Суудлын автомашинаас ч их жинтэй тэрбээр 2006 оны гуравдугаар сараас хойш 235 кг жин хассан байна. Жимс, загас, тахиа, хүнсний ногоо бүхий хоолны хатуу дэглэм барьснаар одоо түүний биеийн жин 325 кг болж байгаа гэнэ. Гэвч Урибе одоог хүртэл хоёр хөл дээрээ явж чадахгүй байгаа аж. Тарган эр ирэх сард 43 насны төрсөн өдрөө тэмдэглэхийн тулд байшингаасаа гарч чадна гэдэгтээ итгэлтэй байна. Урибе 1990 онд Америкт компьютерын засварчин байхдаа пицца, бургер зэрэг түргэн хоол их иддэг байжээ. Үүний улмаас биеийн жин бараг 1235 фунт болжээ. Энэ амжилтаараа тэрбээр 2008 онд Гиннесийн дээд амжилтын номд дэлхийн хамгийн тарган эр гэж нэрээ мөнхжүүлсэн байна. Хоёр жилийн өмнө эхнэр маань намайг хаяж явахад би өөрийгөө бараг алж байсан. Гэвч бурхан надад сайн эмч илгээсэн гэж Урибе хэлжээ. Тэрбээр Италид мэс засал хийлгэхээ хойшлуулж америк эмч Бэрри Спирсийн үнэ төлбөргүй эмчилгээг хийлгэхийг зөвшөөрчээ.

Дугаар 111/2398/