Бушийнхан Кроуфордод / Техас муж улс/ бараг 640 га эдлэн газартай бөгөөд энэ нь саяас таван сая долларын үнэтэй гэнэ. Тэднийх активынхаа нэлээд хэсгийг АНУ-ын Сангийн яамны улсын облигац, компаниудын хувьцаа, итгэмжлэгдсэн хүмүүсийн мэдэлд байдаг сангуудад оруулсан байна. Үүнээс гадна АНУ-ын Ерөнхийлөгч янз бүрийн банкинд хадгаламжтай ажээ. Харин дэд Ерөнхийлөгч Ричард Чейнийн тухайд гэвэл тэр хувийн хөрөнгийнхөө хэмжээгээр Цагаан ордны одоогийн тэргүүнээс бараг гурав дахин их гэнэ. Тэр дор хаяад 20,8 сая долларын хөрөнгөтэй ажээ. Америкийн хоёр дахь хүний гол орлого нь 2000 оны наймдугаар сараас өмнө түүний тэргүүлж байсан нефтийн тоног төхөөрөмж үйлдвэрлэдэг томоохон корпорациас ордог байна.

Санхүүгийн тайлангаас үзвэл, АНУ-ын Ерөнхийлөгч өнгөрсөн жил хэд хэдэн бэлэг авч, үүнээс хамгийн үнэтэй нь 6160 долларын унадаг дугуй байжээ. Энэ дугуйг Уотерлу хотын /Висконсин муж улс/ компани бэлэглэсэн байна. Жорж Буш унадаг дугуйгаар явах их дуртай хүн юм. Дэд Ерөнхийлөгчийн тухайд гэвэл анд хорхойтой түүнийг Карлайл хотын / Арзанзас муж улс/ Гринбрайер лодж компанийн зардлаар хоёр өдөр ан хийхийг урьжээ. Чейни ангийн бүс болон нугас агнах ном бэлгэнд авсан байна. Энэ бэлэг нийтдээ 1600 долларын үнэтэй гэнэ.

Дугаар 111/2398/