Хүмүүнлэгийн тусламжийн асуудал хариуцсан Европын коммиссар Луи Мишель энэ тухай мэдээлэв. Бирмд хүмүүнлэгийн хямрал нүүрлээд байгаа учир цэргийнхэн энэ зөвшөөрлыг өгөхөөс өөр аргагүй болжээ. Би манай хүмүүст виз олгох хүсэлт гаргасан тэд зөвшөөрсөн. Тэд бас хувиараа туслах төлөвлөгөөтэй хүмүүст ч зөвшөөрөл өгөхөд бэлэн байгаа нь нааштай алхам гэж Европын комиссар хэлжээ.

Сүйрэл дагуулсан циклон тус орны өмнөд хэсгээр дайрснаас хойш хоёр долоо хоног өнгөрсний дараа шуурганаар амиа алдагсадын тоо 78000 болж байна. Зарим үнэлгээгээр тэдний тоо 200 мянга хүрч магадгүй. Усан бороо үргэлжлэн орж байгаа учраас аврагч нарын ажиллагааг үр дүнтэй болгож чадахгүй байгаа юм. 2,5 сая хүнд өлсгөлөн, халдварт өвчний аюул нүүрлээд байна.

Шуурганд нэрвэгдсэн бүс нутгийг нэмэлт харуулын цэгүүдээр хаав.

Бирмийн эрх баригчид баасан гарагийн орой Наргис шуурганд амиа алдсан хүмүүсийн тооны талаар шинэ мэдээ гаргалаа. Байгалийн энэ гамшигт үрэгдэгсэдийн тоо 77738 хүн болжээ. Бараг 55917 хүнийг сураггүй болсонд тооцож байна. Нийт 19359 хүн гэмтэл бэртэл авчээ.

Өмнө нь тус орны цэргийн эрх баригчид амь үрэгдэгсэдийн тоог 30 гаруй мянга гэж байв. НҮБ-ын гамшгийн бүсэд ажилласан хүмүүс дээрх тоог хэт дарсан гээд амь үрэгдэгсэдийн тоог 50-100 мянга гэж байв. Шуурганы улмаас нийт 1,5 сая хүн хохирчээ. Тэд орон гэргүй, хоол хүнсгүй хоцорсон юм.

дугаар 109/116