ZMN пропакшны Ийм нэгэн дурлал-2 кинотой зэрэг шахам нээлтээ хийсэн энэхүү кино охид залуусыг сонирхлыг ихэд татсан бололтой.

Амьдралын гурван өөр дүр зургийг харуулахыг зорьсон уг киноны Сургууль минь баяртай хэмээх төгсгөлийн хэсгийн дууг Гайз хамтлагийнхан дуулсан бөгөөд фенүүдийнх нь амны уншлага болсон сурагтай. Үүний зэрэгцээ, Хаврын нэгэн учрал хэсэгт гол дүр бүтээсэн Акапелла хамтлагийн дуучин Э.Мөнхтөр охидын шүтээн

болох дөхсөн гэнэ. Гэтэл сайны хажуугаар саар гэгчээр, бүтээсэн дүрийг нь үнэллээ хэмээн баярлаж явсан дуучин залуу хамтарч тоглосон охинтойгоо нэр холбогдоод авч.

МУИС- ийн сэтгүүлзүйн ангийн нэгдүгээр дамжаанд суралцдаг Л.Цэнгэл дүрийн шалгаруулалтад тэнцэж, улмаар тус кинонд тоглох болсон гэдэг. Хэдийгээр мэргэжлийн жүжигчин биш ч гэлээ, романтик учралаар дүүрэн өрнөх хосуудын дүрд чадварлаг тоглосон тэрбээр Э.Мөнхтөрөөс нэлээд олон насаар дүү аж.

Энэ ч утгаараа, үнэмшилтэй нь аргагүй жүжиглэсэн дүрээсээ болоод дуучин залуутай нэр холбогдох болсондоо чамгүй зовнисон гэх. Үнэндээ, энэ бүхэн тэдний буруу биш л дээ. Уран бүтээлээр нь дүгнэж нэр холбох дуртай фенүүдийнх нь хообий болохоор тэр. Энэ ч утгаараа, нэр холбогох моодонд өртсөн уран бүтээлчид ч цөөнгүй байгаа.

Дугаар 096 /469/