Сайдыг тус аймгийн Хүдэр суманд ажиллах үеэр Тарс нэртэй компани ундны усны эх болдог хус модыг зөвхөн ойн арчилгаа цэвэрлэгээний байдлаар бэлдэц болгон үйлдвэрлэлд ашиглах ёстой байтал ургаа хусаар савх үйлдвэрлэж байсан хууль бус үйлдэл илэрсэн байна. Мөн уг компанийн хашаанд 2562 ширхэг хусан гуалин байснаас 70 ширхэг нь үйлдвэрлэлд ашиглагдахаар зөвшөөрөгдсөн байжээ. Ажлын хэсэгт ажилласан Мэргэжлийн хяналтын ахлах байцаагч Б.Саран компанийн үйл ажиллагааг түр зогсоох улсын байцаагчийн акт тогтоож, шалгалтыг цаашид үргэлжлүүлэхээ мэдэгдсэн байна.

ЗҮБ КОМПАНИЙН ҮЙЛ АЖИЛЛАГААГ ТҮР ЗОГСООЛОО

Мөн тэрбээр нөхөн сэргээлтийг хуулийн дагуу хийгээгүй ЗҮБ уурхайн үйл ажиллагааг түр зогсоолоо. Техникийн болон биологийн нөхөн сэргээлт хангалттай хийгээгүй, хийсэн ажлын тайлан нь бодит байдалтай зөрчилдөж байгаа зэрэг үндэслэлээр тус сумын нутагт алтны олборлолт хийж буй уг компанийн үйл ажиллагааг түр зогсоохоор шийдвэр гаргасан байна. Мөн Хүдэр сумын Төмөртэйн голын төмрийн хүдрийг олборлож байгаа Эрдэс групп компанийн үйл ажиллагаатай танилцан байгаль орчны нарийвчилсан үнэлгээ хийх үүрэг өглөө. Сэлэнгэ аймагт ажилласан мэргэжлийн хяналтын болон байгаль орчны яамны ажилтнууд дээрх компаниудад хийх шалгалтыг үргэлжлүүлэн баримт бичгүүдийг нягтлан судалж, дараагийн шатны арга хэмжээг авна гэлээ. Ашигт малтмалын тухай хуульд байгаль орчны нөхөн сэргээлт хоцрогдолтой тохиолдолд лицензийг цуцалж 20 жил хүртэлх хугацаанд дахин лиценз олгохгүй гэсэн заалт байдаг байна.

Дугаар 111/2398/