Албан ёсны сурталчилгаа эхлээгүй байхад ингэж байгаа юм чинь, сурталчилгаа эхлэчихвэл юу болох бол. Тэсэн ядан хүлээх сэтгэл төрөх шиг. Хэдийгээр энэ талаар Сонгуулийн ерөнхий хорооноос удаа дараа анхааруулсан боловч хүрч очиж чадахгүйгээр нь далимдуулан орон нутагт хууль бус сурталчилгаа хэдийнэ даамжирсан. Ерөнхийлөгч, Ерөнхий сайд нь ч гэсэн Сонгуулийн хуулийг зөрчиж болохгүй гэсэн мэдэгдлийг удаа дараа хийсэн боловч биеллээ олдоггүй ээ. Бүр удирдлагад нь ажилладаг хүмүүс хуулиар тоглоом хийж эхэлжээ.

Ерөнхийлөгчийн Тамгын газрын орлогч дарга Б.Чойжилсүрэн Увс аймгаас нэр дэвшихээр горилж яваа нэгэн. Явахдаа зүгээр ч нэг явсангүй. Зуны эхэн cap дундаа орчихоод байхад Cap шинийн золголт хийж явна. Хөдөөгийнхөн нутгийн хүүхэд ёс жаягаа сайн мэдэх юм, золгуутаа хийж явна, уулзъя гэх хүмүүс түүний араас хөөцөлдөх болжээ. Хэргийн учир нь тэрбээр золгосон хүн бүртээ 10-20 мянган төгрөг бариад байхаар нэг удаа бус нэлээд хэд золгохыг хүссэндээ ийнхүү хөөцөлдөж байгаа аж. Айл бүрээр орж гэрийн эздэд 10-20 мянгатын дэвсгэрт барьж, хүүхдүүдэд нь 1000-5000 төгрөг барьсаар. Сум болгонд компьютер, мотоцикль өгсөн гэнэ. Тэрбээр энэхүү баярхахдаа эрдэн Гурван тэрбум төгрөг цацахад Увсчуудын саналыг авахгүй яадаг юм хэмээн томорсон сурагтай.

Д.Баяр

Дугаар 111/2398/