Тус компанийн санхүүгийн түрээсээр ашиглаж байсан тийрэлтэт хөдөлгүүр бүхий Эйрбас 310-300 агаарын хөлөг тэрхүү баярт өдрөөр компанийн албан ёсны өмч болж, шилжин ирэх гэнэ. 1990 онд үйлдвэрлэгдсэн тус агаарын хөлгийг МИАТ компани анх 1998 оны тавдугаар сарын 22-ны өдөр AIFS компанитай байгуулсан гэрээний дагуу санхүүгийн түрээсээр өөрийн орны нислэгт ашиглаж эхэлсэн байна. Цаашид 10-20 жил ашиглах боломжтой энэхүү хөлгийн хөөрөлтийн дээд жин 153 тонн, нислэгийн хурд 850 км/цаг, алслалт нь 6500 аж.

Түүнчлэн тус компани энэ жил бие даасан аж ахуйн нэгж болсны 15, Францын Airbus компанитай хамтран ажиллаж эхэлсний 10 жилийн ойтойгоо золгож байгаа болохоор энэхүү агаарын хөлгийг хүлээн авах ёслолын ажиллагаанд Франц болон бусад томоохон авиакомпанийн хүндэт зочидыг урьсан аж. Дээрх үйл явдлууд нэгэн зэрэг тохиохтой холбогдуулан ойн баярт зориулсан хурал, хүндэтгэлийн концерт энэ сарын 23-нд Соёлын төв өргөөнд болох юм байна.

дугаар 096/116