Халз барилдаанд Солонгосын үндэсний шигшээ багийн тамирчид ирэх болов уу гэж таамаглатал залуухан тамирчид Монголд хөл тавив. Энэ удаагийн халз барилдаанд эрэгтэй, эмэгтэй тус бүр долоон жинд тамирчид зодоглох юм байна. Солон¬госын Үндэсний шигшээ багийн тамирчид олимпод оролцох бэлтгэлээ базааж байгаа учраас халз барилдаанд оролцохгүй гэдгээ мэдэгджээ. Гэхдээ халз барилдаанд оролцохоор ирсэн жүдочдын хувьд олон улсын чанартай тэмцээнд тогтмол тэргүүлдэг тамирчдаас сонгон шалгаруулсан. Тэдний дунд Афины олимпод оролцож байсан эмэгтэй тамирчин Чой Ми Юун, Ази тивийн аварга шалгаруулах тэмцээний медальтнууд багтжээ.

Монгол Солонгосын жүдочдын халз барилдаан энэ сэрын 21-нд Аса циркт болно. Халз тулааны талаар Монголын жүдо бөхийн холбооны ерөнхий нарийн бичгийн дарга М.Бөхбатаас цөөн асуултад тодруулга авсан юм.

-Яагаад Солонгосын үндэсний шигшээ баг нь ирсэнгүй вэ?

-Олимпод оролцох тамирчид ирээгүй. Манайх ч гэсэн олимпод оролцох зарим тамирчин оролцуулахгүй. Гэхдээ Солонгосын төдийгүй, олон улсын тэмцээний аваргуудаас сонгосон 14 тамирчин учраас хүчтэй анхны халз барилдаанд өрсөлдөгчид.

-Хоёр дахь халз барилдааны онцлог юу вэ?

-Энэ удаад эмэгтэй шигшээ багийнхан барилдана. Мөн тэнцсэн тохиолдолд нэмэлт барилдаан хийгээгүй. Энэ удаад таван минут барилдаад хэрвээ тэнцэх юм бол цаг сунгаж дахин барилдуулна. Заавал аль нэг тамирчны ялалтаар төгсөнө. Жүдо бөхийн олон улсын дүрмийн дагуу барилдана. Солонгос, Монголын шүүгчээс гадна, Олон улсын жүдо бөхийн холбооноос томилсон тусгай шүүгч шүүнэ.

-ОХУ-тай өрсөлдсөн бүрэлдэхүүнээрээ барилдах уу?

-Бага зэргийн өөрчлөлт орсон. Хуучин бүрэлдэхүүнээс гэвэл Ариун-Эрдэнэ, Миярагчаа хоёр л барилдана. Нямхүү, Баяржавхлан, Болдбаатар нар бэлтгэлээ базааж байгаа. Нямхүүгийн хувьд нэлээд удаан хугацааны турш бэртэлтэй байж байгаад одоо барилдах гэж байна.

-Эмэгтэй шигшээ баг энэ удаад оролцох нь ээ?

– Тиймээ. Өмнөх тэмцээний үеэр эмэгтэй тамирчдаа оролцуулбал зүгээр юм гэсэн санал их ирсэн. Тэгээд анх удаа барилдах гэж байна. Бундмаа, Сайнжаргал, Цэрэнханд, Лхамдэгд , Батхишиг нар барилдахаар бэлтгэл, сургуулилтдаа орсон.

-ОХУ-ын шигшээ багийг 41 харьцаагаар хожсон. Энэ удаа хожлын харьцаахэд байх бол?

-Мэдээж ялна гэсэн зорилт тавиад байгаа.

-Бооцоогүй хэрнээ шагналын санг өндөр байхаар тохиролцсон гэлүү?

-Япон, солонгосчууд бооцоо тавихаар жүдогийн үндсэн зорилгод нийцэхгүй гээд хүлээн зөвшөөрдөггүй юм билээ. Тиймээс шагна¬лын санг өндөр болгох бодолтой байна. Гэхдээ хараахан эцэслэн тогтоогүй байна. ОХУ-ын бооцоотой дүйх байх даа.

– Солонгосын жүдо бөхийн холбооны захирал, үндэсний шигшээ багийн ахлах дасгалжуулагч Чан Ин Квонтой ярилцлаа. Танай тамирчид их залуухан юм аа. Халз барилдаанд оролцох тамирчдаа яаж сонгосон бэ?

-Тамирчдын тухайд гэвэл олон улсын тэмцээнүүдэд тогтмол оролцдог шилдгүүд нь байгаа. Өөрөөр хэлбэл, хотуудаас шилсэн 14 тамирчин ирсэн. Ер нь, хүчтэй өрсөлдөгчид.

-Хоёр баг хэрхэн барилдах бол?

-Урьдчилаад тааварлах хэцүү. Би өмнө нь Азийнаваргын тэмцээнээр монголд ирж байсан. Танай эрэгтэй эмэгтэй тамирчдын ур чадвар, тактик үнэхээр сайн. ОУХ-ын тэр мундаг багийг онооны давуугаар хожсон тухай сонссон. Тэгэхээр хожлын тооны харьцааг хэлж чадахгүй нь ээ. Тийм болохоор тэмцээний дараа л хэн ялахыг харъя даа.

-Та үндэсний шигшээ багийн ахлах дасгалжуулагч хүн. Танайхаас хэдэн тамирчин Бээжинд зодоглох эрхээ авсан бэ?

– Эрэгтэй, эмэгтэй долоон жинд эрхээ авсан.

Эрэгтэй /жин	Монгол	Солонгос
-60 кг	Г.Болдбаатар	Чо Сан Нүн
-66 кг	С.Миярагчаа	Кан Вү Сүк
-73 кг	С.Ням-Очир	Ан Чал Вүүн
-81 кг	Р.Анхбаатар	Кү Хван
-90 кг	Д.Нямхүү	Кан Гүм Сан
-100 кг	Б.Ариун-Эрдэнэ	Ким До Юүн
+100 кг	М.Баяржавхпан	Шим Жи Хо
Эмэгтэй /жин
-48 кг	Б.Уранчимэг	Ли Сүн A
-52 кг	н.Оюунсүрэн	Пак Со Вүн
-57 кг	М.Бундмаа	Сон Хи Еүн
-63 кг	Б.Сайнжаргал	Ким Си Ми
-70 кг	Д.Цэрэнханд	Чой Ми Яан
-78 кг	П.Лхамдэгд	Чо Со Хи
+78 кг	Х.Батхишиг	Ким Мин ЖИ

У.Бадамцэцэг

Дугаар 98/417/