369 иргэний дээд боловсролын баримт бичигт үзлэг шалгалт хийжээ. Шалгалтаар хуурамчаар үйлдсэн, авч ашигласан, хууль бусаар олгосон 15 дээд боловсролын диплом илрүүллээ. Аж ахуйн нэгж, байгууллагуудын ажиллагсдын дунд боловсролын баримт бичгийг хуурамчаар үйлдсэн буюу авч ашигласан зөрчлүүд цөөнгүй гарч байгаа бөгөөд иргэд хуурамч боловсролын баримт бичгийг худалдан авч, өөрсдөө хууль бус үйлдэлд оролцон гэмт хэрэгт хам хэрэгтэн болохоос гадна, эдийн засгийн хувьд их хэмжээний хохирол амсч байна.

УМХГ-ын Эрүүл мэнд, боловсролын хяналтын улсын албанд дээд боловсролын сургалтын байгууллагуудын төгсөгчид, диплом олголтын талаарх бүртгэл мэдээллийн сан байдаг бөгөөд их, дээд сургууль, коллежиудын архив, мэдээлийн санд хуурамчаар үйлдсэн дээд боловсролын дипломын дугаар, нэрийг нэмж оруулах, өөрчлөх ямар ч боломжгүй гэдгийг иргэд сайн анхаарах хэрэгтэй. Иргэд өндөр үнээр худалдаж аваад дараа нь хуурамч гэдэг нь батлагдсан тохиодолд хуулийн өмнө хариуцлага хүлээж, эдийн засаг болон сэтгэл зүйн маш их хохиролд орно гэдгийг УМХГ-аас анхааруулж байна. Мөн хуурамч дээд боловсролын дипломтой иргэнийг аж ахуйн нэгж, байгууллагууд ажилд авснаар байгууллагын нэр хүнд, бизнесийн үйл ажиллагаанд сөргөөр нөлөөлөх, мэргэжил, мэдлэггүй ажилтан ажиллуулснаас болзошгүй хохирол, аюул учрахаас урьдчилан сэргийлэх үүднээс ажилтнуудынхаа боловсролын баримт бичгийг сайтар нягтлан шалгаж байхыг анхаарууллаа.

дугаар 096/116/