Энэ үеэр Бээжин хот гадаадын жуулчид гийчид, тамирчид, дасгалжуулагч болон олны хөлд дарагдах нь мэдээж. Мөн биеийн тамир спортын уралдаан тамцээнүүд болж, тамирчид ширүүхэн өрсөлдөх болохоор хэн нэгэн нь гэмтэж бэртэх магадлалтай юм. Тиймээс олимпийн наадмын үед гарч болзошгүй аюулаас сэргийлэх бэлтгэл ажил хийгдэж байгаа ажээ. Тиймээс эрүүл мэндийн газар бүх төрлийн цусыг цуглуулж, цусны бэлтгэл агуулах байгуулж байгаа бөгөөд хамгийн ховор RH бүлгийн цусыг бэлтгэх нь хамгийн чухал байгаа гэнэ. RH бүлгийн цус нь шар арьстай хүмүүсийн мянганы гуравт, Европ, Америкийн цагаан арьстны хувьд 15 хувьтай байдаг байна. Иймээс Олимпийн наадмын гарч болзошгүй аюулаас сэргийлж энэ бүлгийн цусыг бэлтгэх нь чухал юм байна. Гэхдээ А, В, АВ, О гэсэн түгээмэл дөрвөн бүлгийн цусыг ч бэлтгэж байгаа юм байна. Энэ талаар Бээжингийн Улаан загалмайн цусны төвийн орлогч дарга Ши Вэй хэлэхдээ Бээжингийн олимпийн наадмын үеэр гадаадын олон тамирчин жуулчид ирэх болохоор RH цусыг бэлтгэж байгаа нь тамирчид санаандгүй шархдах бэртэж өвчлөх үед хэрэглэнэ гэжээ.

Үүнээс гадна тус төв нь 2006 оноос эхлэн олон нийтэд эдгээр бүлгийн цустай эрүүл иргэн, сайн дурынхныг идэвхтэй оролцохыг уриалж, олимпийн эмчилгээний ажилд цус хандивлах ажлыг зохион байгуулж эхэлсэн юм байна. Бээжингийн олимпийн наадмын эмчилгээний бэлтгэл ажлын хүрээнд дотоод төдийгүй гадаадын иргэд ч RH бүлгийн ховор цусны хандивын ажилд оролцож байгаа бөгөөд нэг хүн ч хэд хэдэн удаа ирж цусаа өгч байгаа юм байна. Ингээд RH бүлгийн цусаа өгсөн хүний тоо 1300 гаруй болоод байгаа ажээ. Өнөөгийн байдлаар, Цусны төвийн агуулахад RH бүлгийн 1500 миллитр цусны хадгаламжтай болоод байгаа гэнэ. Харин олимпийн наадам гэхэд үүнийг 2000 миллитрт хүргэх төлөвлөгөөтэй байгаа юм байна.

Дугаар 111/2398/