2008 оны 5 дугаар сарын 8-10-ны өдрүүдэд болж өнгөрөв. Тэмцээнд Чехээс гадна Америк, Герман, Монгол, Норвег, Украйн, Польшоос ирсэн хөгжимчин хүүхдүүд оролцжээ. Тус тэмцээнд Монголоос Хөгжим бүжгийн коллежийн Утсан хөгжмийн тэнхимийн багш Б.Цогзолмаа, Д.Жаргал, төгөлдөр хуурч багш Г.Ганчимэг нар 8 дугаар ангийн сурагч Ц.Намуун, 6 дугаар ангийн сурагч Б.Билгүүн, Б.Дөлгөөн нарын хамт оролцов. Монгол хүүхдүүд тэмцээнд амжилттай оролцсон бөгөөд тэмцээний хоёрдугаар үеийн тоглолтод сурагч Б.Билгүүн 2 дугаар байр эзэлснээс гадна Я.Косианы нэрэмжит тэргүүн шагнал хүртэв.

Сурагч Б.Дөлгөөн мөн тоглолтод тусгай байр эзэлсэн бол Ц.Намуун тусгай байрын шагнал авсан байна. Мөн Испанийн Сансебастиан хотод болсон олон улсын төгөлдөр хуурын уралдаанд манай Хөгжим, бүжгийн коллежийн таван сурагч оролцоод иржээ. Найман орны 50 гаруй хүүхэд оролцсон энэхүү уралдааны бага насны ангилалд манай дөрвөн сурагч тэргүүн байр эзэлсэн байна. 1998 оноос эхлэн Монголын төгөлдөр хуурчид гадны томоохон фестивалиудад оролцож эхэлсэн бөгөөд байнга амжилт гаргасаар иржээ. Харин Испанид 15 дахь удаагаа зохион байгуулж буй уг наадамд Монголоос анх удаа оролцсон нь энэ аж. Уг наадмын бага насны ангиллын тэргүүн байрт шалгарсан найман хүүхдээс Хөгжим, бүжгийн коллежийн тавдугаар ангийн сурагч Э.Ундралыг шилдгүүдийн гала тоглолтод сонгож оролцуулсан аж.

дугаар 096/116