Монгол иргэдийн хувьд хамгийн өндөр үзүүлэлт юм. 2007 оны 05 дугаар сарын 08-ны өдөр ’’Монгол улсын Нийгмийн даатгалын ерөнхий газар, БНСУ-ын Yндэсний тэтгэвэрийн алба хоорондын харилцан ойлголцлын санамж бичиг’’-т гарын үсэг зурсан түүхтэй. Энэхүү харилцан ойлголцлын санамж бичигт гарын үсэг зурснаар БНСУ-ын тэтгэврийн тухай хуулинд орсон 2007 оны 05 дугаар сарын 11-ний өдрийн нэмэлт өөрчлөлтөөр Yндэсний тэтгэвэрийн албанд төлсөн тэтгэвэрийн даатгалын шимтгэлээ буцаан авах эрх үүссэн Монгол улсын иргэд тэтгэвэрийн шимтгэлийн олговроо нэхэмжлэх, буцаан авах зэрэг таатай нөхцөл бүрдсэн юм.

Тэгвэл өнөөдөр Шимтгэл буцаан олголтын 2000 дахь иргэнийг тодруулах ёслолын үйл ажиллагаа Нийгмийн даатгалын ерөнхий газар боллоо.

Энэхүү ёслолын ажиллагааг нээж УНДЕГ-ын дарга С.Эрдэнэ үг хэллээ.

үideo1

2008 оны 05 дугаар сарын 15-ны өдрийн байдлаар 2000 дахь иргэний нэхэмжлэл шийдвэрлэгдэж, нийт 2 059 905 000 төгрөгийн шимтгэлийг буцаан олгоод байгаа юм байна. Санамж бичгийг хэрэгжүүлэх ажлын хүрээнд цаашид Иргэдийн тэтгэвэрийн шимтгэлийн олговорын нэхэмжлэл БНСУ-ын Yндэсний тэтгэвэрийн албанаас шимтгэлийг буцаан олгохоор шийдвэрлэгдэн хариу ирсэн боловч нэхэмжлэгч иргэний банкны дансанд орж ирэхгүй удах асуудлыг шийдвэрлэх, шимтгэл авах эрх бүхий иргэний нэрсийн жагсаалтанд тусгагдсан мөнгөн дүн БНСУ-ын Yндэсний тэтгэвэрийн албанаас буцаан олгохоор шийдвэрлсэн мөнгөн дүн зөрүүтэй байх явдлыг зогсоох, БНСУ-д хөдөлмөрийн гэрээгээр ажиллаж байгаад дахин гэрээгээ сунган явсан иргэд Солонгос улсаас шууд нэхэмжлэх буюу Монгол улсад итгэмжлэгчээр дамжуулан нэхэмжлэл гаргаж болох эсэх зэрэг асуудлыг анхааралдаа авч ажиллахаа тэрээр хэлж байлаа.

БНСУ-ын Yндэсний тэтгэвэрийн албаны тэтгэвэрийн шимтгэл хариуцсан газрын ерөнхий захирал Ли Сү Мин харилцан ойлголцлын санамж бичгийн талаар ийнхүү ярьж байна.

үideo2

Тэрээр санамж бичгийг үзэглэснээр Монгол улсын НДЕГ-ын нийт аймаг, дүүргүүдийн нийгмийн даатгалын хэлтсүүдээр дамжуулан нэхэмжлэх бололцоо бүрдэж, тодорхой зардал, цаг хэмнэсэн асуудал болсныг дурьдаад 2007 оны 12 дугаар сарын 01-ний өдөр YТА-ны Жунру Жүнгү төлөөлөгчийн газарт анхны 385 иргэний нэхэмжлэлийг хүлээн авч байснаа ярьлаа. Энэ өдөр Ц.Ядмаа гэх иргэн 2000 дахь шимтгэл буцаан авах иргэнээр тодорсон ба Монгол иргэдийн эрх ашгийг хамгаалсан энэхүү үйл ажиллагаа цаашид ч үргэлжлэнэ гэдэгт итгэлтэй байна.

Б.Баяр

Ж.Дарханжаргал