Хоорондох зайд нь агаар байдаггүй бөгөөд үйлдвэрээс нь бараг агааргүй орчин бий болгож өгдөг аж. Вакум орчинд агаарын молекулууд байдаггүй тул дулаанд нөлөөлөхгүй учир доторх зүйл нь анх ямар температуртай байсан тэр хэвээрээ байна. Гаднаас дотогш, дотроос гадагшаа дулаан нэвтрүүлэхгүй учраас кофе халуун хэвээр, хүйтэн ус ч хүйтэн хэвээр байдаг аж. Агааргүй орчны изолазийн онцлогийг 1643 онд Торчелл анхны барометрийг бүтээснээс хойш мэддэг болсон бөгөөд бий болгосон агааргүй орчныг хэвээр хадгалан, дулаан солилцуулахгүй байлгах нийлэг эдийн тухай тэр үед мэддэггүй байлаа. Халуун савыг анх дулаан хадгалах биш харин химийн лаборторт шингэн, хийг хадгалах зориулалттай сав болгон ашиглаж байжээ. 1890- ээд оны энэ бүтээлийнхээ патентийг Английн физикч Жеймс Девар аваагүй бөгөөд шинжлэх ухааны хатаагч болгон өөрчилсөн байна. 1903 онд түүний Герман туслах Рейнхолд Бургер энэ савыг худалдаанд гарах нь ашигтайг ойлгоод патентийг нь Германд авсан гэнэ. Анх дулаан гэсэн утгатай Термос гэсэн үгийг хэрэглэн тухайн барааны нэрийн тэмдэг болж байснаа хожим халуун савыг ерөнхийд нь нэрлэдэг үг болсон байна. Ингээд хүн бүр мэддэг, хэрэглэдэг зүйл болжээ. Хойд, өмнөд туйл руу аялагчид, Эверистын оргил өөд авирагчид эхлээд хэрэглэдэг болсноор айл гэр бүрийн хамгийн их хэрэгцээтэй зүйл болсон байна.

дугаар 096/116