Олимпын дөрвөн жингийн ангиллаар зохиогдох уг тэмцээнд 42 орны 90 бөх Бээжинг зорих эрхийн төлөө гурван өдрийн турш өрсөлдлөө. Чөлөөт бөхөөр олимпод эмэгтэйчүүд дөрвөн жинд зодоглодог. Манай улсаас 48 кг-ын жинд Ц.Энхжаргал, 63 кг-ын жинд Б.Одончимэг нар Ази тивийн аварга шалгаруулах тэмцээнээс олимпын эрхээ авсан учир 55 кг-ын жинд Н.Отгонжаргал, 72 кг-ын жинд ОУХМ О.Бурмаа нар хүч үзсэн. Эхний өдөр Н.Отгонжаргал Австри, Бразилийн бөхийг ялж хагас шигшээд Венесуэлийн бөхөд ялагдлаа. Харин О.Бурмаагийн хувьд Венесуэл, Армяний бөхийг ялж хагас шигшээд мөн л Польшийн бөхөд ялагдсан юм. Ийнхүү чөлөөт бөхийн олимпын эрх олгох тэмцээн дуусгавар боллоо.

Дугаар 98/417/